![کیپٹن سرور شہید کا 76 واں یوم شہادت، پاک فوج کا خراج عقیدت](https://dailyrasta.com/assets/postImages/1722027731top.webp)
کیپٹن سرور شہید کا 76 واں یوم شہادت، پاک فوج کا خراج عقیدت
راولپنڈی : پاکستان کے پہلے ’نشانِ حیدر‘ کیپٹن محمد سرور شہید کا 76 واں یوم شہادت آج منائا جا رہا ہے، مسلح افواج نے ان کی برسی پر شاندار خراجِ عقیدت پیش کیا ہے۔
پاک فوج کے شعبہ تعلقات عامہ آئی ایس پی آر کے مطابق کیپٹن محمد سرورشہید نشان حیدر کے 76واں یوم شہادت کے موقع پر چیئرمین جوائنٹ چیفس آف اسٹاف کمیٹی،مسلح افواج، سروسز چیفس کی جانب سے شہید کو خراج عقیدت پیش کیا گیا ہے۔
آئی ایس پی آر کے مطابق مسلح افواج کے سربراہان کا کہنا ہے کہ کیپٹن محمد سرور شہید کی ہمت، ثابت قدمی اورجرات کو کبھی فراموش نہیں کیا جاسکتا۔
کیپٹن محمدسرور شہید پاک فوج کے نشان حیدر حاصل کرنے والے پہلے افسر ہیں، انہوں نے 1948میں تلپترا آزاد کشمیر میں مادر وطن کا دفاع کرتے جام شہادت نوش کیا۔
آئی ایس پی آر کے مطابق کیپٹن محمد سرور شہید کی برسی افواج پاکستان کی قربانیوں کی یاد دلاتی ہے، مادر وطن کیلئے جانوں کا نذرانہ دینے والے وطن کے بہادر بیٹوں کو ہمیشہ یاد رکھا جائے گا۔
ایک جائزہ چھوڑیں۔