راولپنڈٰی: پاک فوج نے کہا ہے کہ سیلاب متاثرین کیلئے امدادی رقوم جمع کرنے کے حوالے سے آرمی کا کوئی الگ اکاؤنٹ نہیں ہے۔
پاک فوج کے شعبہ تعلقات عامہ (آئی ایس پی آر) کے مطابق سیلاب متاثرین کے لیے امدادی رقوم صرف حکومت کے اکاؤنٹ میں ہی جمع کرائی جا سکتی ہیں، پاکستان آرمی کا سیلاب متاثرین کے لیے امدادی رقوم جمع کرنے کا کوئی الگ اکاؤنٹ نہیں ہے۔
آئی ایس پی آر نے مزید کہا ہے کہ سوشل میڈیا پر گردش کرنے والے پاک آرمی کے اکاؤنٹس جعلی ہیں، عوام پاک فوج سے منسوب ان جعلی بینک اکاؤنٹس میں فنڈز دینے سے گریز کریں۔
یاد رہے کہ سیلاب سے متاثرہ علاقوں میں آرمی نے 50 ریلیف کیمپس قائم کر دیے ہیں اور پاک فوج کے تمام افسران نے ایک ماہ کی تنخواہ فلڈ ریلیف آپریشنز کے لیے عطیہ کر دی ہے۔ اس کے علاوہ پاک فوج نے اپنا 3 دن کا راشن بھی سیلاب متاثرین کو عطیہ کیا ہے۔
لاہور: (ویب ڈیسک) نیشنل ہائی وے اتھارٹی (این ایچ اے) نے شاہراؤں کی بندش سے متعلق سوشل میڈیا پر گردش کرنے والی خبروں کو بے بنیاد قرار دیدیا۔
ایک بیان میں این ایچ اے کے ترجمان نے کہا کہ ملتان سکھر موٹروے، اسلام آباد پشاور موٹروے اور کراچی لاہور پشاور قومی شاہراہ کھلی ہے۔
ریڈیو پاکستان کی خبر کے مطابق ترجمان نے عوام سے کہا کہ وہ سوشل میڈیا پر گردش کرنے والی جعلی خبروں کو نظر انداز کریں۔
تاہم ترجمان نے عوام سے اپیل کی کہ سیلاب اور بارشوں کی موجودہ صورتحال میں غیر ضروری سفر سے گریز کریں۔
ترجمان نے عوام سے کہا کہ وہ سفر کرنے سے پہلے NHA فلڈ ایمرجنسی سینٹر پر کال کریں تاکہ سڑکوں کی صفائی کے بارے میں مناسب معلومات حاصل کی جاسکیں۔
ممبئی: (ویب ڈیسک) بھارتی پنجاب فلموں اور بالی ووڈ اداکارہ شہناز گل نے سلمان خان کی فلم سے نکالے جانے کی خبروں کو جعلی قرار دے دیا۔سماجی رابطے کی ویب سائٹ انسٹاگرام پر شہناز گل نے سٹوری شیئر کرتے ہوئے فلم اور سلمان خان کا نام لیے بغیر لکھا کہ اس قسم کی افواہیں روزانہ میرے...