فوج میں خود احتسابی خودکار عمل ہے جو ہروقت جاری رہتا ہے، ڈی جی آئی ایس پی آر

• غیر مستند خبریں

ڈی جی آئی ایس پی آر میجرجنرل احمد شریف نے کہا ہے کہ فوج میں خود احتسابی کڑا، شفاف اور خودکار عمل ہے جو ہروقت جاری رہتا ہے۔

تفصیلات کے مطابق ڈی جی آئی ایس پی آر کا جاری بیان میں کہنا تھا کہ بڑاعہدہ بڑی ذمہ داری ہوتا ہے، ہمیں اپنے احتسابی سسٹم پر فخر ہے، فوج میں خود احتسابی کا عمل شفاف ہے اور خود کار طریقے سے جاری رہتا ہے۔

آئی ایس پی آر کے جاری بیان میں کہا گیا کہ فوج میں کڑے احتسابی عمل پر ڈی جی آئی ایس پی آر پہلے بھی واضح بیان دے چکے ہیں۔

ڈی جی آئی ایس پی آر میجرجنرل احمد شریف کا بیان میں کہنا تھا کہ 7 مئی کی پریس کانفرنس میں فوج کے خوداحتسابی کےعمل کو بیان کرچکے ہیں۔

خیال رہے کہ آج سابق ڈی جی آئی ایس آئی فیض حمید کیخلاف کورٹ مارشل کی کارروائی کا آغاز شروع کیا گیا ہے، سپریم کورٹ احکامات کی روشنی میں پاک فوج نے فیض حمیدکیخلاف انکوائری کی ہے۔

’فیض حمید کو تحویل میں لینے سے لگتا ہے کچھ چیزیں ثابت ہو چکی‘

پاک فوج کے شعبہ تعلقات عامہ (آئی ایس پی آر) کے مطابق فیض حمید کو ملٹری کسٹڈی میں لے لیا گیا، لیفٹیننٹ جنرل (ر) فیض کیخلاف آرمی ایکٹ کے تحت انضباطی کارروائی کا آغاز کیا گیا ہے۔

آئی ایس پی آر کے مطابق فیض حمید کے خلاف ریٹائرمنٹ کے بعد پاکستان آرمی ایکٹ کی کئی خلاف ورزیاں ثابت ہوچکی ہیں۔