سلمان خان بالی وڈ کا ایک ایسا نام ہے جو اپنی ڈیبیو فلم ’بیوی ہو تو ایسی‘  کے بعد سے آج تک اپنی ہر فلم کی بدولت خبروں کی زینت بنا رہا اور دبنگ اداکار کے کیرئیر کی طرح ان کی نجی زندگی بھی میڈیا سے ڈھکی چھپی نہ رہ سکی۔
 فلمی کیرئیرکے دوران سنگیتا بجلانی، ایشوریا رائے اور کترینہ کیف جیسی اداکاراؤں سے افیئرز نے سلمان خان سے متعلق   میڈیا پر قیاس آرائیاں پھیلائی رکھیں، لیکن کیا آپ  سلمان خان کی زندگی میں آنے والی اس پہلی محبت کو جانتے ہیں جو فلمی کیرئیر سے قبل ان کی زندگی میں شامل رہی؟
بھارتی میڈیا کے مطابق سلمان خان کی پہلی گرل فرینڈ لیجنڈ اداکار اشوک کمار کی نواسی شاہین جعفری ہیں۔
سلمان خان کی بائیو گرافی ’Being Salman‘ میں درج  ہے کہ دبنگ اسٹار  فلم انڈسٹری میں اینٹری دینے سے بھی کئی سال قبل کالج میں شاہین جعفری سے پہلی بار محبت میں گرفتار ہوئے تھے، سلمان خان کی ریڈ اسپورٹس کار اکثر ممبئی کےکالج کے باہر کھڑی دیکھی جاتی تھی جہاں شاہین جعفری زیر تعلیم تھیں، اس کالج کے باہر سلمان خان گھنٹوں ان کا انتظار کرتے تھے۔
بھارتی میڈیا رپورٹس کے مطابق سلمان اور شاہین کے تعلقات کو دونوں خاندانوں کی طرف سے بھی قبول کیا جا چکا تھا لیکن اس سب کے باوجود بھی یہ رشتہ ختم ہو گیا، کیرئیر میں تبدیلی کے ساتھ ساتھ سلمان کی  محبت بھی تبدیل ہونا شروع ہوئی،  ان کی ملاقات ایک ہیلتھ کلب میں اداکارہ سنگیتا بجلانی سے ہوئی اور پھر  دونوں گہرے دوست بن گئے، اور پھر یہ دوستی رشتے میں بدل گئی، بتایا جاتا ہے کہ سلمان خان سنگیتا سے محبت میں اتنے سنجیدہ تھے کہ   شادی کے کارڈ پرنٹ کروانے کی تیاری تھی۔
دوسری جانب شاہین جعفری اپنے کیرئیر میں آگے بڑھ گئیں انھوں نے  ائیر لائن انڈسٹری میں کام کرنا شروع کیا اور  پھر  وکرم اگروال نامی شخص سے شادی کر لی۔

عام طور پر سمجھا جاتا ہے کہ فلم کا ہیرو، ہیروئن یا ولن ہی وہ کردار ہیں جو اپنے کام کا سب سے زیادہ معاوضہ وصول کرتے ہیں لیکن یہ جان کر آپ کو حیرانی ہوگی کہ کامِک کردار کرنے والا اداکار بھی کمائی میں بڑے بڑے ناموں کو پیچھے چھوڑ سکتا ہے۔
گزشتہ برس بھارتی میڈیا پر کچھ رپورٹس شائع ہوئیں جن میں بتایا گیا ہے معروف تیلگو اداکار برہمنندم وہ شخص ہیں جنہوں نے کمائی میں پربھاس، رجنی کانتھ اور کپل شرما جیسے لوگوں کو پیچھے چھوڑ دیا۔
ڈی این اے انڈیا کی رپورٹ کے مطابق برہمنندم کی دولت کی بات کی جائے تو وہ 500 کروڑ سے بھی زیادہ ہے۔
دیگر کامیڈینز کی بات کریں تو کپل شرما کی دولت 300 کروڑ، جانی لیور کی 280 کروڑ اور پاریش راول کی 80 کروڑ ہے۔
برہمنندم کی زندگی کو دیکھا جائے تو ان کی پیدائش یکم فروری 1956 کو آندھرا پردیش میں ہوئی جن کے والد ایک بڑھئی تھے اور ان کا بچپن انتہائی مشکل مالی حالات سے گزرا۔
اداکار نے ماسٹر آف آرٹس کی ڈگری حاصل کی اور بطور تیلگو لیکچرار کام کیا لیکن ان کا شوق تھیٹر اور نقل اتارنے کی طرف زیادہ تھا، جس نے انہیں 1985 میں ڈی ڈی تیلگو کے پروگرام پاکاپاکالو کے ذریعے ٹی وی پر متعارف کرایا۔
برہمنندم کا فلمی کیرئیر 35 سال پر مشتمل ہے جس دوران انہوں نے 1 ہزار سے زائد فلمیں کیں، ان کی آمدنی کا زیادہ تر حصہ فلموں، برانڈ کی تشہیر اور دیگر کاروباری منصوبوں سے ہوتا ہے، جن سے وہ سالانہ 2 کروڑ روپے کماتے ہیں۔
برہمنندم کو فلم انڈسٹری میں خدمات کے اعتراف میں پدما شری جیسے اعلیٰ شہری اعزاز سے بھی نوازا گیا ہے۔ 

اداکارہ نیلم منیر خان نے اپنی شادی کی تصاویر جاری کردیں۔
تصاویر میں نیلم منیر نے سفید رنگ کا عروسی جوڑا زیب تن کیا ہوا ہے جبکہ ان کے شوہر سفید رنگ کے روایتی عرب جبے یا ثوب میں ملبوس ہیں تاہم نیلم منیر نے اپنے شوہر کا نام نہیں بتایا۔
 نیلم منیر کی شادی کی تصاویر دبئی میں لی گئی ہیں اور تصاویر کے پس منظر میں دنیا کی بلند ترین عمارت برج خلفیہ بھی نظر آرہی ہے۔
نیلم کی تصاویر فوٹوگرافر کی جانب سے پوسٹ کی گئیں جس میں اداکارہ کو ٹیگ کیا گیا ہے۔ فوٹوگرافر نے لکھاکہ یہ نئے سال کے آغاز پر زندگی کا نیا باب شروع کر رہے ہیں انہیں دعاؤں میں یاد رکھیں۔
اس پوسٹ پر فلم دنیا سے وابستہ شخصیات کی اور مداحوں کی جانب سے مبارکباد دینے کا سلسلہ جا رہی ہے۔
خیال رہے کہ گزشتہ روز اداکارہ نیلم منیر نے اپنے سوشل میڈیا اکاؤنٹ پر اپنی رسم مایوں کی تصاویر پوسٹ کیں اور اپنی شادی کی تقریبات شروع ہونےکا بتایا تھا۔
مایوں کی تصاویر میں نیلم منیر کو زرد رنگ کے جوڑے میں مہندی لگائے دیکھا جاسکتا تھا۔
یاد رہے کہ کئی مرتبہ نیلم منیر کی شادی کی افواہیں زیرِ گردش رہیں جس کے بعد اداکارہ نے ان افواہوں کی تردید کی تھی۔
2022 میں اداکارہ نے جنگ اخبار کو دیے گئے انٹرویو میں اپنی شادی سے متعلق گفتگو کی تھی جس میں ان کاکہنا تھاکہ میری شادی کی خبر اچانک ہی سننے کو ملے گی لیکن میں شادی سادگی سے کروں گی۔

بالی وڈ کی سینئر اداکارہ ہمانی شیو پوری نے زندگی کے سب سے مشکل وقت میں کنگ شاہ رخ خان سے ملنے والی سپورٹ کا اعتراف کیا ہے۔

اداکارہ ہمانی شیو پوری بالی وڈ فلمز اور ٹیلی ویژن انڈسٹری میں اپنی جاندار اداکاری اور مخصوص کرداروں کے لیے خاصی مشہور ہیں۔

حال ہی میں بھارتی میڈیا کو دیے گئے انٹرویو کے دوران ہمانی شیو پوری نے اپنی زندگی کے سب سے مشکل وقت میں سپر اسٹار شاہ رخ خان کی جانب سے ملنے والی مدد پر بات کی۔

دوران انٹرویو  ادکارہ نے بلاک بسٹر فلم ’دل والے دلہنیا لے جائیں گے‘کی شوٹنگ کے دوران پیش آئے لمحات کو اپنے کیرئیر کے مشکل ترین لمحات قرار دیا۔

اداکارہ نے بتایا کہ’اس فلم کی شوٹنگ کے دوران میں نے اپنے شوہر کو کھو دیا تھا،  اس وقت میں اپنے بیٹے کی واحد سائبان تھی، شوہر کے کھونے کا غم ناقابل بیان ہے لیکن اس کے باوجود مجھے اپنی ذاتی اور پیشہ ورانہ زندگی کو بیلنس رکھنا تھا‘ ۔

ہمانی شیوپوری نے بتایا کہ’ان تاریک دنوں میں شاہ رخ خان میری سپورٹ بنے، وہ مجھے لطیفے سناتے اور ہلکی پھلکی گفتگو میں مصروف رکھتے تاکہ میں خود کو تنہا محسوس نہ کر سکوں‘۔

سینئر اداکارہ نے مزید بتایا کہ شوہر کی وفات کے بعد یش چوپڑا اور پامیلا چوپڑا نے بھی مجھے کافی سپورٹ کیا، مجھے اب بھی یاد ہے کہ یش چوپڑا نے مجھ سے کہا تھا، جتنا وقت درکار ہو لے لو،  ہم یہاں آپ کے لیے ہیں،  یہ وہ سپورٹ تھی جس نے گہرے دکھ کے باوجود مجھے اپنے کیرئیر میں توازن کو برقرار رکھنے میں مدد کی ‘۔