پی ٹی آئی انٹرا پارٹی الیکشن کیس سماعت کیلئے مقرر
اسلام آباد: الیکشن کمیشن آف پاکستان کی جانب سے پی ٹی آئی انٹرا پارٹی الیکشن کیس 18 ستمبر کو سماعت کیلئے مقرر کردیا گیا ہے۔
تفصیلات کے مطابق الیکشن کمیشن نے چیئرمین پاکستان تحریک انصاف بیرسٹر گوہر اور رؤف حسن کو نوٹس جاری کردیا ہے، ادارے نے پی ٹی آئی انٹرا پارٹی الیکشن کیس 18 ستمبر کو سماعت کیلئے مقرر کیا۔
الیکشن کمیشن نے پی ٹی آئی انٹراپارٹی الیکشن کیس کی کاز لسٹ جاری کردی
ہے، پی ٹی آئی انٹرا پارٹی کیس کی سماعت میں دلائل دیے جائیں گے۔
ماضی میں الیکشن کمیشن نے پی ٹی آئی انٹراپارٹی الیکشن کو کالعدم قرار دیتے ہوئے بلے کا انتخابی نشان واپس لے لیا تھا۔
الیکشن کمیشن نے پی ٹی آئی انٹراپارٹی الیکشن کیس کا فیصلہ سنایا تھا جس میں قرار دیا گیا تھا کہ پی ٹی آئی انٹراپارٹی انتخابات کروانے میں ناکام رہی۔
چیف الیکشن کمشنر کی سربراہی میں 5 رکنی بنچ نےفیصلہ سنایا تھا، انٹراپارٹی الیکشن کیس کافیصلہ اکرام اللہ خان نے تحریر کیا تھا، اس فیصلے کے بعد سے اب تک پارٹی بلے کے نشان سے محروم ہے۔
ایک جائزہ چھوڑیں۔