وزیراعظم کا صنعتوں کے لیے بجلی سستی کرنے کا اعلان
وزیراعظم شہباز شریف نے صنعت اور برآمدات میں اضافے کے لیے بجلی سستی کرنے کا اعلان کردیا۔
اے آر وائی نیوز کے مطابق وزیراعظم نے ملکی صنعت کی بہتری کے لیے بجلی کے تاریخی پیکیج کا اعلان کیا ہے، صنعتوں کے لیے بجلی کی قیمت میں 10 روپے 69 پیسے کمی کی گئی ہے۔
صنعت اور برآمدات کے شعبے کے لیے بجلی کی قیمت 34 روپے 99 پیسے فی یونٹ مقرر کی گئی ہے، نیپرا نے صنعتوں کے لیے بجلی کی قیمت میں 10 روپے 69 پیسے فی یونٹ کمی تجویز کی تھی۔
وزیراعظم کے پیکج سے صنعتوں سے 200 ارب روپے سے زائد کا بوجھ ختم ہوگا جبکہ صنعتوں کو یہ پیکیج عالمی منڈی میں اشیا کی لاگت کے مقابلے کے قابل بنانے کے لیے دیا گیا ہے۔
پیکیج سے صنعتی اور زرعی مصںوعات کی پیداواری لاگت میں کمی آئے گی اور برآمدات میں اضافہ ہوگا۔
وزیراعظم کے اقدام سے صنعتی ترقی کی رفتار مزید تیز ہویگ، روزگار میں تیز ترین اضافہ ہوگا، صنعتوں کے پہیے کی رفتار تیز اور برآمدات میں اضافے سے ملکی معیشت کو فائدہ ہوگا۔
ایک جائزہ چھوڑیں۔