نااہلی کی مدت پوری ہونے پر نوازشریف کی طلال چوہدری کو مبارکباد

• پاکستان

قائد مسلم لیگ ن میاں محمد نواز شریف نے طلال چوہدری کو توہین عدالت کیس میں ناحق 5 سالہ نا اہلی کی سزا ثابت قدمی سے کاٹنے پر مبارک باد دی ہے۔

نواز شریف نے کہا ہے کہ طلال چوہدری کو توہین عدالت میں ناحق 5 سالہ نا اہلی کی سزا ثابت قدمی سے کاٹنے پر مبارک باد دیتا ہوں۔

انہوں نے کہا کہ جھوٹے مقدمات، سزاؤں، نااہلیوں اور ہر طرح کے ظلم کو میں نے، میرے ساتھیوں نے صبرو استقامت سے برداشت کیا۔نواز شریف نے کہا کہ مگر ناانصافی پر مبنی ان فیصلوں کی سزا پاکستان نے بھگتی ہے۔

میاں محمد نواز شریف نے مزید کہا ہے کہ اگر اللّٰہ نے مسلم لیگ ن کو دوبارہ موقع دیا تو 2017ء سے بھی بہتر پاکستان بنائیں گے 2017ء کے پھلتے پھولتے پاکستان کو ناانصافی کے فیصلوں نے اس نہج تک پہنچا دیا ہے کہ غریب عوام دو وقت کی روٹی کو ترس گئے ہیں۔