سات ارب ڈالر کے بیل آوٹ پیکیج کی منظوری، پاکستانی معیشت کے لئے اچھی خبر آگئی
اسلام آباد : آئی ایم ایف کی جانب سے پاکستان کے لئے اگست میں 7 ارب ڈالر کے بیل آوٹ پیکیج کی منظوری کا امکان ہے۔
تفصیلات کے مطابق آئی ایم ایف ایگزیکٹو بورڈ کا اجلاس اگست میں ہوگا، اجلاس میں پاکستان کیلئے سات ارب ڈالر کے بیل آوٹ پیکیج کی منظوری کا امکان ہے۔
ذرائع نے بتایا کہ آئی ایم ایف بورڈ اسٹاف لیول معاہدے کے 4 سے 6 ہفتوں بعد حتمی منظوری دے گا، بورڈ اجلاس سے پہلے پاکستان ایکسٹرنل فنانسنگ کی یقین دہانی کرے گا۔
ذرائع وزارت خزانہ کا کہنا تھا کہ موجودہ قرض پروگرام میں ماحولیاتی تبدیلی کی فنڈنگ شامل نہیں تاہم ماحولیاتی تبدیلی، قدرتی آفات کے خطرات سے نمٹنے کیلئے فنڈنگ پر نومبر میں متوقع ہے۔
وزارت خزانہ نے کہا کہ آئی ایم ایف کا کلائمنٹ فنانسنگ کیلئے پاکستان کی مجوزہ درخواست پرغورکرے گا،آئی ایم ایف سے پہلے جائزہ اجلاس کے بعد ماحولیاتی تبدیلی کے پروگرام پر بات ہوسکتی ہے۔
ذرائع کے مطابق پاکستان کو موسمیاتی تبدیلی سے متعلق طویل مدتی ترجیحی منصوبوں کی نشاندہی کرنا ہوگی، آئی ایم ایف کا آر ایس ایف پروگرام سستی اور طویل مدتی فنانسنگ فراہم کرتا ہے، اس مقصد کیلئے دیگر عالمی اداروں کے ساتھ مل کر کام کرنا ہوگا۔
ذرائع نے مزید بتایا کہ بنگلہ دیش ماحولیاتی تبدیلیوں پر آئی ایم ایف ڈیڑھ ارب ڈالر کا پروگرام لے چکا ہے۔
ایک جائزہ چھوڑیں۔