کنگنا رناوت تھپڑ کھانے کے بعد بالی ووڈ اداکاروں پر برس پڑیں

• شوبز

بالی ووڈ اداکارہ و سیاست دان کنگنا رناوت تھپڑ کھانے کے بعد انڈسٹری کو آڑے ہاتھوں لے لیا۔

بھارتی میڈیا رپورٹس کے مطابق گزشتہ روز چندی گڑھ ایئرپورٹ پر کنگنا رناوت کو ایک لیڈی کانسٹیبل نے تھپڑ مار دیا تھا، جس کے بعد خاتون سیکیورٹی اہلکار کو معطل کرکے ان پر مقدمہ درج کردیا گیا۔

تاہم واقعے پر فلم انڈسٹری کی جانب سے حمایت نہ کرنے پر کنگنا رناوت نے انڈسٹری کو آڑے ہاتھوں لیتے ہوئے انسٹاگرام پر ایک اسٹوری شیئر کی ہے۔

اداکارہ نے اسٹوری میں فلم انڈسٹری کے لوگوں کو مخاطب کرتے ہوئے لکھا کہ ڈیئر، آپ سب یا تو جشن منارہے ہیں یا پھر ایئرپورٹ پر مجھ پر ہونے والے حملے پر بالکل خاموش ہیں۔

کنگنا رناوت نے مزید لکھا کہ کل کو آپ کے ساتھ یا پھر آپ کے بچوں کے ساتھ کچھ ہوگا تو پھر آپ دیکھیں گے کہ میں آپ کے آزادی اظہار کے حقوق کیلئے لڑوں گی۔

انہوں نے پوسٹ شیئر کرنے کے کچھ دیر بعد ڈیلیٹ بھی کردی۔

دوسری جانب بھارتی گلوکار ویشال دادلانی نے بھارتی سیاستدان و اداکارہ کنگنا رناوت کو تھپڑ مارنے والی سکیورٹی اہلکار کو مدد کی پیشکش کی ہے۔

ویشال دادلانی نے لکھا کہ میں تشدد کی حمایت نہیں کرتا لیکن میں سکیورٹی اہلکار کے غصے کی وجہ سمجھ سکتا ہوں۔ اگر اس کے خلاف کوئی ایکشن لیا گیا تو میں اس بات کو یقینی بناؤں گا کہ اسے کوئی دوسری ملازمت مل جائے۔

بھارتی میڈیا کے مطابق ویشال دادلانی نے اپنی پوسٹ میں جے ہند، جے جوان، جے کسان کا نعرہ بھی لکھا۔