ممبئی بل بورڈ حادثے میں نامور اداکار کے رشتے دار بھی جان سے گئے

• بیرونی خبریں

ممبئی میں طوفانی ہواؤں سے بل بورڈ گرنے کی وجہ سے 16 افراد ہلاک ہوئے تھے جن میں معروف بالی وڈ اسٹار کارتک آریان کے رشتے دار بھی شامل ہیں۔

میڈیا رپورٹس کے مطابق بل بورڈ حادثے میں کارتک آریان کے رشتے داروں کی ہلاکت کی خبریں سوشل میڈیا پر گردش کر رہی ہیں جن سے ان کے مداح کافی مایوس ہیں۔

اب تک کارتک آریان کی جانب سے کوئی بیان جاری نہیں کیا گیا تاہم انہیں آج ہلاک رشتے داروں کی آخری رسومات میں شریک ہوتے ہوئے دیکھا گیا۔

 مئی کو پیش آئے افسوسناک حادثے میں بالی وڈ اسٹار کے چچا منوج چنسوریا اور چچی انیتا ہلاک ہوئے تھے۔

 دونوں میاں بیوی امریکا میں موجود اپنے بیٹے یش کے پاس جانے کی تیاری کے سلسلے میں ممبئی میں ویزا کیلیے ضروری کاغذات مکمل کر رہے تھے۔

ایک پیٹرول پمپ کے قریب اچانک طوفانی ہوائیں چلنے سے بل بورڈ گر گیا جس میں کے نتیجے میں 16 افراد ہلاک اور متعدد زخمی ہوئے۔ کارتک آریان کے رشتے داروں کی لاشیں 56 گھنٹے بعد ملبے سے نکالی گئی تھیں۔

والدین کی ہلاکت کی خبر سن کر بیٹا یش امریکا سے ممبئی پہنچا اور آخری رسومات میں شامل ہوا۔