عوام کو ایک اور جھٹکا دینے کی تیاری، بجلی مزید 6 روپے 28 پیسے مہنگی ہونے کا امکان
اسلام آباد: ملک میں بجلی ایک بار پھر مہنگی ہونے کا امکان، سی پی پی اے نے نیپرا کو بجلی ایک ماہ کیلئے 6 روپے 28 پیسے مہنگی کرنے کی درخواست کردی۔بجلی صارفین کیلئے بری خبر، سنٹرل پاور پرچیزنگ ایجنسی (سی پی پی اے) نے نیپرا کو ایک مرتبہ پھر عوام سے اربوں روپے کی اضافی وصولیاں کرنے کی درخواست کردی، جولائی کی فیول ایڈجسٹمنٹ کی مد میں 6 روپے 28 پیسے فی یونٹ اضافہ مانگ لیا گیا ہے۔سی پی پی اے کی جانب سے دی گئی درخواست میں بتایا گیا کہ جولائی میں بجلی کی پیداواری لاگت 10 روپے 98 پیسے فی یونٹ رہی جبکہ پیشگی فیول لاگت 4 روپے 69 پیسے فی یونٹ تھی جبکہ جولائی میں پانی سے 35.17 فیصد اور کوئلے سے 12.74 فیصد بجلی پیدا ہوئی، ڈیزل سے 1.46 فیصد اور فرنس آئل سے 6.42 فیصد بجلی پیدا ہوئی۔
نیپرا 31 اگست کو سی پی پی اے کی درخواست پر سماعت کرے گی اور بجلی کی قیمت میں اضافے سے صارفین پر75 ارب روپے سے زائد کا اضافی بوجھ پڑ سکتا ہے۔
ایک جائزہ چھوڑیں۔