ایم کیو ایم  صدارتی انتخاب میں صدر آصف علی زرداری کو ووٹ دے گی۔  خالد مقبول صدیقی نے پاکستان پیپلز پارٹی کے وفد کو ایک بار پھر یقین دہانی کروا دی۔
پاکستان پیپلزپارٹی کے چئیرمین بلاول بھٹو کی قیادت میں پیپلز پارٹی کے سینئر رہنماؤں کا وفد مشاورت کے لئے ایم کیو ایم کے کنوینئیر خالد مقبول صدیقی کی رہائشگاہ پر پہنچا اور ان کے ساتھ ملاقات کی۔ وفد میں سابق وزیراعظم یوسف رضا گیلانی، سابق وزیراعظم راجہ پرویز اشرف، نوید قمر ، خورشید شاہ، شیری رحمان کے ساتھ مسلم لیگ ن کے خواجہ سعد رفیق اور اعظم نذیر تارڑ بھی شامل تھے۔ 

واضح رہے کہ ایم کیو ایم کی جانب سے بدھ کے روز ہی پاکستان پیپلز پارٹی کی قیادت کو آگاہ کردیا گیا تھا کہ ایم کیو ایم نے صدارتی انتخاب میں ووٹ صدر آصف علی زرداری کو ہی دینے کا فیصلہ کر لیا ہے۔

آج خواتین کا عالمی دن منایا جارہا ہے،لاہور ٹریفک پولیس نے وویمن ڈے پر تمام خواتین کو سلام پیش کیا ہے۔
 سی ٹی او کے مطابق اسلام خواتین کے حقوق کے تحفظ کا سب سے بڑا علمبردار ہے، خواتین کی عزت و تکریم کا تحفظ، ہماری اجتماعی ذمہ داری ہے۔

خواتین کی معاشرے میں اہمیت اجاگر کرنے کیلئے جہاں دنیا بھر میں عالمی دن منایا جاتا ہے، تو وہیں خواتین نے ثابت بھی کیا ہے کہ ان کی شمولیت کے بغیر کوئی بھی معاشرہ ترقی کی راہ پر گامزن نہیں ہوسکتا۔

عالمی دن منانے کے موقع پر ان بہادر خواتین کو خراج تحسین پیش کیا جائے گا جنہوں نے اپنے حقوق کے حصول کی جنگ لڑی، اس دن دنیا بھر میں مختلف ممالک کی ہزاروں تنظیمیں خواتین کی سماجی، سیاسی اور اقتصادی ترقی کیلئے کوششوں کو اجاگر کرنے کیلئے واکس اور تقاریب کا اہتمام کریں گی۔

 خیال رہے کہ 1908ء میں 15000ہزار محنت کش خواتین نے تنخواہوں میں اضافے، ووٹ کے حق اور کام کے طویل اوقات کار کے خلاف نیویارک شہر میں احتجاج کیا تھا اور اپنے حقوق کے حصول کے لیے آواز بلند کی۔ 1909ء میں امریکہ کی سوشلسٹ پارٹی کی طرف سے پہلی بار عورتوں کا قومی دن 28فروری کو منایا گیا۔

خواتین کا عالمی دن کیوں منایا جاتا ہے؟

آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کیلئے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کر سڑکوں پرگھسیٹا گیا تاہم اس تشدد کے بعد بھی خواتین نے جبری مشقت کے خلاف تحریک جاری رکھی۔

خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طور پر منانے کا فیصلہ کیا۔

اس دن کے موقع پردنیا بھرمیں کانفرنسوں اورورکشاپس کا انعقاد ہو گا، جن میں خواتین کو مساوی حقوق دینے کا اعادہ کیا جائے گا۔

خوراک اور ادوایات کی شدید کمی کے شکار اہل غزہ کے لیے اردن نے فضا سے امداد گرائی ہے۔

الجزیرہ کے مطابق اردن کی فضائیہ نے غزہ کی پٹی میں طیارے کے ذریعے فضا سے امدادی سامان گرایا ہے۔

محصور ساحلی انکلیو میں لاکھوں فلسطینیوں کو انتہائی ضروری امداد پہنچانے کے لیے یہ اب تک کی سب سے بڑی فضائی کارروائی ہے۔

اردن کی فوج کے ترجمان مصطفیٰ حیاری نے کہا ہے کہ آپریشن میں چار C-130 طیارے تعینات کیے گئے جن میں ایک فرانسیسی فضائیہ کا تھا۔

حیاری نے مزید کہا کہ امداد کو غزہ کے ساحل کے ساتھ ساتھ گیارہ مقامات پر اس کے شمالی کنارے سے جنوب کی طرف عام شہریوں کے لیے جمع کیا گیا تھا۔

غزہ میں اردنی فوج کے زیر انتظام اسپتالوں میں پچھلی فضائی کھیپ پیراشوٹ کے ذریعے دوائیں اور انتہائی ضروری انسانی امداد بھیجے گئے تھے۔

 عالمی مالیاتی فنڈ (آئی ایم ایف) نے پاکستان کی نئی منتخب حکومت کے ساتھ کام کرنے پر آمادگی کا اظہار کرتے ہوئے کہا معاشی استحکام سے متعلق نگران حکومت کے اقدامات پر مطمئن ہے۔

تفصیلات کے مطابق آئی ایم ایف کی کمیونیکیشن ڈائریکٹر جولی کوزیک نے پاکستان سے متعلق پریس بریفنگ کے دوران کہا نگران حکومت کے اقدامات پر اطمینان کا اظہار کرتے ہوئے کہا نگراں حکومت کی معاشی استحکام کیلئے کوششوں سے مطمئن ہے۔

جولی کوزیک کا کہنا تھا کہ نگراں حکومت نے معاشی استحکام کو برقرار رکھا اور مالیاتی اہداف پر سختی سے عمل پیرا ہو کر سماجی تحفظ کیلئے اقدامات کیے گئے ساتھ ہی افراط زر کنٹرول کرنے اور زرمبادلہ ذخائر کیلئے سخت مالیاتی پالیسی پر عمل کیا گیا۔

آئی ایم ایف کی کمیونیکیشن ڈائریکٹر نے پاکستان کی نئی منتخب حکومت کے ساتھ کام کرنے پر آمادگی کا اظہار کرتے ہوئے کہا کہ پاکستان میں میکرو اکنامک استحکام کو یقینی بنانے کے لیے نئی حکومت کے ساتھ معاشی استحکام و خوشحالی کی پالیسیوں پر کام کرنے کے منتظر ہیں تاکہ وسیع تر اقتصادی استحکام اور پاکستانی شہریوں کی خوشحالی یقینی بنائی جائے۔

انھوں نے بتایا کہ 11 جنوری کو آئی ایم ایف ایگزیکٹو بورڈ نے اسٹینڈ بائی ارینجمنٹ کے پہلے ریویو کی منظوری دی، جس کے تحت پاکستان کو ایک ارب نوےکروڑ ڈالر جاری ہوئے۔

جولی کوزیک نے پریس بریفنگ کے دوران پاکستان میں جاری سیاسی حالات پر تبصرے سے گریز کیا اور کہا جو کہنا تھا اس میں مزید اضافہ نہیں کرنا چاہتیں۔