صوابی میں 18 خاندانوں کو بھتے کیلئے دھمکی آمیز خطوط موصول
صوابی کے گاؤں ڈاگئی میں 18 خاندانوں کو پیسے منتقل نہ کرنے پر دھمکی آمیز خطوط موصول ہوئے، ان خاندانوں نے دھمکی آمیز خطوط ملنے پر آج جرگہ طلب کیا۔
ملزمان نے 18 خاندانوں کو دھمکی بھرے خط بھیجے، بینکوں سے پیسے اور زیورات نکال کر گھروں میں رکھنے کی ہدایت کی، بات نہ ماننے پر قتل کی دھمکیاں دی گئیں۔
گاؤں والے ملزمان کے سامنے ڈٹ گئے اور مزاحمت کرنے کا اعلان کیا۔
علاقہ مکینوں کا کہنا تھا کہ آج بھتہ خوروں نے خط بھیجے ہیں کل گھروں پر حملے کریں گے، کسی دباؤ میں نہیں آئیں گے، بھرپور مقابلہ کریں گے۔
متعلقہ خاندانوں کی رپورٹ پر کالو خان پولیس نے مقدمہ درج کرلیا۔
ایک جائزہ چھوڑیں۔