اس بار ٹرافی ہماری ہے، ایشیا کپ فائنل میں رسائی پر پاکستانی شائقین پُرجوش

• کھیل

ایشیا کپ 2025ء کے سپر فور مرحلے میں دبئی میں کھیلے گئے اہم میچ میں پاکستان نے بنگلادیش کو دلچسپ مقابلے کے بعد 11 رنز سے شکست دے کر فائنل میں رسائی حاصل کرلی۔

 فائنل میں پاکستان کا مقابلہ روایتی حریف بھارت سے ہوگا۔ یہ پہلا موقع ہے جب دونوں ٹیمیں پہلی مرتبہ ایشیا کپ کے فائنل میں مدمقابل ہوں گی۔ 

پاک بنگلادیش میچ کے بعد شائقین کرکٹ نے سوشل میڈیا پر گرین شرٹس کی زبردست کارکردگی تعریف کی۔ 

ایک مداح نے لکھا کہ آؤٹ کلاس بولنگ، جب لگ رہا تھا میچ ہاتھ سے نکل گیا ہے تو بولرز نے فائنل تک پہنچا دیا، ایک اور مداح نے قومی ٹیم کو بھارت کے خلاف جیتنے اور ٹرافی اٹھانے کا کہا، ایک صارف نے لکھا کہ اس بار ٹرافی ہماری ہے۔