دبئی: آئی سی سی ٹیسٹ پلیئرز رینکنگ میں قومی کرکٹر بابر اعظم کی ایک درجہ تنزلی ہوئی ہے۔
آئی سی سی کی جانب سے ٹیسٹ پلیئرز کی نئی رینکنگ جاری کی گئی، بابر اعظم ایک درجے تنزلی کے بعد تیسرے سے چوتھے نمبر پر چلے گئے۔
بیٹرز رینکنگ میں نیوزی لینڈ کے کین ولیمسن کی پہلی پوزیشن برقرار رہے۔
انگلینڈ کے جوروٹ دوسرے نمبر پر موجود ہیں، ہیری بروک تیسرے نمبر پر براجمان ہیں۔
اس کے علاوہ نیوزی لینڈ کے ڈیرل مچل، آسٹریلیا کے اسٹیو اسمتھ اور بھارت کے روہت شرما کی رینکنگ میں ایک ایک درجے تنزلی ہوئی ہے، تینوں بیٹرز پانچویں، چھٹے اور ساتویں نمبر پر چلے گئے۔
ٹیسٹ بولرز کی ٹاپ 10 رینکنگ میں ردو بدل نہیں ہوا، جس میں بھارت کے روی چندرن ایشون کا پہلا نمبر برقرار ہے۔
انگلینڈ کے کرس ووکس 4 درجے ترقی کے بعد 20 ویں نمبر پر آگئے ہیں، ٹیسٹ آل راؤنڈرز میں بھارت کے رویندرا جڈیجا کا پہلا نمبر برقرار ہے۔
ویمنز ایشیا کپ ٹی 20 میں بھارت نے پاکستان ویمنز کو باآسانی 7 وکٹوں سے شکست دے دی۔
دمبولا میں کھیلے گئے میچ میں بھارت ویمنز نے پاکستان ویمنز کی جانب سے دیا گیا 109 رنز کا ہدف باآسانی 3 وکٹ کے نقصان پر 14.1 اوورز میں حاصل کرلیا۔
سمرتی مندھانا 45 رنز بنا کر نمایاں رہیں، شیفالی ورما نے 40 اور دیالان نے 14 رنز بنائے۔
پاکستان کی جانب سے سیدہ عروب شاہ نے دو وکٹیں حاصل کی۔
اس سے قبل پاکستان ویمنز ٹیم آخری اوور میں 108 رنز پر ڈھیر ہوگئی رہیں، پاکستان کی 7 بیٹرز ڈبل فیگر میں بھی داخل نہ ہوسکیں۔
سدرہ امین نے 25 رنز بنائے تھے، فاطمہ ثنا اور طوبیٰ حسن 22، 22 رنز بناسکیں۔
بھارت کی جانب سے دپتی شرما نے 20 رنز دے کر تین وکٹیں حاصل کیں، رینوکا سنگھ، شریانکا پاٹل اور پوجا وستراکر نے دو، دو وکٹیں لیں۔
محرم الحرام میں امن و امان پرفوکس کرنے کے لیے مختلف ڈویژن میں پولیس اور فوج کافلیگ مارچ کیا گیا ۔ شہر کے حساس ترین مقامات پرقذافی سٹیڈیم ، کلمہ چوک،فیروز پور روڈ ،ماڈل ٹاؤن، گارڈن ٹاؤن، شادمان اچھرہ ،ٹھوکر،گرین ٹاؤن سمیت دیگر علاقوں میں فلیگ مارچ کیا گیا۔
فلیگ مارچ میں پاک فوج، رینجرز، مختلف تھانوں کی نفری اور ڈولفن سکواڈ کی ٹیموں نے حصہ لیا ۔ فلیگ مارچ لوہاری گیٹ سٹی ڈویژن پولیس ہیڈ کوارٹرز سے شروع ہوا، جو بھاٹی چوک، ضلع کچہری، لوئر مال، کربلا گامے شاہ، داتا دربار، راوی روڈ، لاری اڈہ، شیرانوالہ گیٹ، موچی گیٹ کے اطراف کیا گیا
اس کے علاوہ صدر ڈویژن پولیس کی جانب سے بھی فلیگ مارچ کیا گیا۔ فلیگ مارچ
میں صدر ڈویژن کے تمام ڈی ایس پیز، ایس ایچ اوز، رینجرز اور آرمی نے حصہ
لیا۔ فلیگ مارچ تھانہ گرین ٹاؤن، باگڑیاں، ہمدر چوک، پی آئی اے روڈ اور
مین بلیوارڈ سے شروع ہو کر ملتان روڈ، ٹھوکر نیاز بیگ سے رائیونڈ روڈ،
بھوبتیاں چوک اور ٹھوکر نیاز بیگ کے مختلف علاقوں میں کیا گیا۔
پولیس افسران کا کہنا ہے کہ فلیگ مارچ کا مقصد عوام الناس میں احساس تحفظ پیدا کرنا اور سکیورٹی انتظات کو یقینی بنانا ہے۔ محرم الحرام کے تمام مجالس و جلوسوں کو فول پروف سکیورٹی مہیا کی جا رہی ہے۔
سری لنکا کے خلاف آئندہ وائٹ بال سیریز میں بھارتی کرکٹ ٹیم کی کپتانی کے لیے دو پلیئرز کے نام سامنے آگئے ہیں۔
بھارتی میڈیا پر آنے والی رپورٹس کے مطابق آئی لینڈرز کے خلاف ٹی ٹوئنٹی سیریز میں آل راؤنڈر ہاردک پانڈیا کو قیادت کی ذمہ داری سونپی جائیگی جبکہ ون ڈے ٹیم کی کپتانی کا بار کے ایل راہول کے کندھوں پر ڈالا جائے گا۔
روہت، کوہلی اور جڈیجا کے ریٹائر ہونے کے بعد اب بھارتی ٹیم نے ٹی ٹوئنٹی انٹرنیشنلز میں ہاردک کو کپتان بنانے کا فیصلہ کیا ہے، وہ سری لنکا کی سیریز سے کپتانی کی باگ ڈور سنبھالیں گے۔
بورڈ آف کنٹرول فار کرکٹ ان انڈیا کے ذرائع نے بتایا کہ ہاردک پانڈیا T20 میں ہندوستانی ٹیم کی قیادت کرنے کے لیے پوری طرح تیار ہیں۔
بی سی سی ذرائع نے کہا کہ آئی سی سی ٹی ٹوئنٹی ورلڈکپ کے بعد روہت شرما نے اپنی ریٹائرمنٹ کا اعلان کر دیا ہے۔ اس بات کا کوئی امکان نہیں ہے کہ ہاردک کو سری لنکا کے خلاف آئندہ سیریز میں آرام دیاجائے گا۔
خیال رہے کہ ٹی ٹوئنٹی ورلڈکپ منیں عمدہ پرفارمنس کے بعد پہلی بار ہاردک پانڈیا ٹی ٹوئنٹی کے نمبر ون آل راؤنڈر بھی بنے تھے تاہم وہ جلد ہی اس پوزیشن سے محرم ہوگئے اور ان کی جگہ سری لنکا کے ونندو ہاسارنگا نے لے لی ہے۔
فاسٹ بولر جسپریت بمراہ بھارتی کپتان روہت شرما کو پیچھے چھوڑتے ہوئے جون کے مہینے کے لیے آئی سی سی مینز پلیئر آف دی منتھ کا ایوارڈ لے اڑے۔
آئی سی سی ٹی ٹوئنٹی ورلڈکپ میں بھارت کی فتح میں اہم کردار ادا کرنے والے جسپریت بمراہ کو ان کی کارکردگی کا صلہ مل گیا جبکہ بھارتی ویمن کرکٹر سمرتی مندھانا کو جون کے مہینے میں ان کی شاندار پرفارمنس کے لیے آئی سی سی پلیئر آف دی منتھ کا ایوارڈ دیا گیا ہے۔
بمراہ نے ٹی ٹوئنٹی ورلڈ کپ 2024 میں اپنی شاندار بولنگ کے بعد جون کے مہینے کے لیے بہترین مرد کرکٹر کا ایوارڈ جیتا، اس سے قبل انھیں عالمی ایونٹ کا بہترین کھلاڑی بھی قرار دیا گیا تھا۔
انڈین ویمنز کرکٹر سمرتی مندھانا نے ہوم سیریز میں جنوبی افریقہ کے خلاف تین ون ڈے اور ایک ٹیسٹ میچ میں شاندار پرفارمنس دکھائی تھی اور کافی رنز اسکور کیے تھے جس کی بنا پر انھیں بہترین خواتین کرکٹر کے طور پر چنا گیا۔
بمراہ نے بھارتی کپتان روہت شرما اور افغانستان کے اوپنر رحمان اللہ گرباز کو شکست دے کر یہ ایوارڈ جیتا ہے۔
بھارتی فاسٹ بولر نے امریکہااور کیریبین میں ہونے والے ورلڈکپ میں بھاتی ٹیم کی جیت میں نہایت اہم کردار ادا کیا تھا، انھوں نے 8.26 کی اوسط سے 15 وکٹیں لی تھیں جبکہ ان کا اکانومی ریٹ 4.17 تھا۔
بمراہ نے آئی سی سی کے لیے جاری بیان میں کہا کہ ’مجھے جون کے لیے آئی سی سی مینز پلیئر آف دی متھ نامزد ہونے پر خوشی ہے، امریکا اور ویسٹ انڈیز میں یادگار چند ہفتوں کے بعد یہ میرے لیے ایک خاص اعزاز ہے۔‘
ریاض: ایشین ٹیم اسنوکر چیمپئن کے فائنل میں تھالینڈ نے پاکستان کو شکست دے دی۔
ریاض میں کھیلے گئے فائنل میچ میں تھائی لینڈز کے کیوئسٹ نے پاکستان کے اسجد اقبال، اویس منیر تین صفر سے شکست دے کر گولڈ میڈل اپنے نام کرلیا۔
فائنل میں ناکامی کے بعد پاکستان نے سلور میڈل جیتا ہے۔
پہلے سنگل میں پاکستان کے اسجد اقبال کو باآسانی شکست ہوئی تھی، دوسرے سنگل میں اویس منیر نے اچھا مقابلہ کیا لیکن کلر پوٹنگ میں انہوں نے براون بال پر فاول کیا، جس کے بعد تھائی پلیئر نے فریم کلیئر کردیا۔
ڈبلز میں بھی پاکستانی پیئر تھائی لینڈ کو نہ روک سکا، یوں تھائی لینڈ تھائی لینڈ 4-61، 53-75 اور 26-90 کے اسکور کے ساتھ ایشین ٹیم اسنوکر چیمپئن شپ جیت گیا۔
پاکستان نے اس سے قبل ایشین 6 ریڈ میں گولڈ میڈل جیتا تھا۔
بھارتی آل راؤنڈر ہارک پانڈیا کو ورلڈکپ میں عمدہ پرفارمنس کا صلہ مل گیا، مختصر فارمیٹ میں ٹاپ آل راؤنڈر کی پوزیشن حاصل کرلی۔
پہلی بار آئی سی سی ٹی ٹوئنٹی رینکنگ میں کسی بھارتی آل راؤنڈر نے نمبر ون پوزیشن پر قبضہ جمایا ہے، ہاردک پانڈیا کی ٹی ٹوئنٹی ورلڈکپ میں بیٹ اور بال کے ساتھ مسلسل عمدہ پرفارمنس نے انھیں عالمی رینکنگ میں نمبر ون آل راؤنڈر کا حقدار بنایا۔
بھارت کے T20 ورلڈ کپ جیتنے کے بعد ہاردک پانڈیا نے اپنے کیرئیر میں ایک اور سنگ میل عبور کیا ہے، وہ بدھ کو جاری ہونے والی رینکنگ کے بعد دنیا کے نئے نمبر ون ٹی ٹوئنٹی آل راؤنڈر بن گئے ہیں۔
ہاردک پانڈیا نے ٹی ٹوئنٹی ورلڈکپ ٹورنامنٹ میں 144 رنز بنائے تھے جبکہ 11 وکٹیں حاصل کی تھیں، وہ آئی سی سی رینکنگ میں یہ پوزیشن حاصل کرنے والے پہلے بھارتی آل راؤنڈر ہیں۔
بھارتی کرکٹر نے جنوبی افریقہ کے خلاف ٹی ٹوئنٹی ورلڈکپ فائنل میں بھی اہم کردار ادا ادا کیا تھا اور 20 رنز دے کر 3 وکٹیں اپنے نام کی تھیں جبکہ آخری اوور بھی انھوں نے ہی کرایا تھا۔
خیال رہے کہ بھارت نے آئی سی سی ٹی ٹوئنٹی ورلڈکپ فائنل 2024 میں سنسنی خیز مقابلے کے بعد جنوبی افریقہ کو شکست دے کر 2007 کے بعد دوسری بار ٹائٹل اپنے نام کیا ہے۔
سابق بھارتی کپتان دھونی ٹیم سے ویرات کوہلی کو باہر نکالنے کی بات پر غصے میں آگئے تھے اور انھوں نے ٹیم منیجر کو کھری کھری سنادی تھی۔
ویرات کوہلی کو ماڈرن دور کے چند عظیم کرکٹرز میں شمار کیا جاتا ہے جبکہ وہ اپنے شاندار ٹی ٹوئنٹی کیریئر کا ٹی ٹوئنٹی ورلڈکپ 2024 کی جیت کے ساتھ اختتام کرچکے ہیں، مگر ایک وقت ایسا بھی آیا تھا جب بھارتی ٹیم کے منیجر نے دھون سے سفارش کی تھی کہ انھیں میچ نہ کھلایا جائے۔
اس بات کا انکشاف پاکستان کرکٹر عمر اکمل نے کیا ہے کہ 2013 میں کوہلی کے کیریئر کے مشکل مرحلے میں دھونی نے بھارتی ٹیم سے انھیں ڈراپ ہونے نہیں دیا اور منیجر سے بحث کی تھی۔
ٹی ٹوئنٹی ورلڈ کپ 2024 کے دوران ایک چینل پر اظہار خیال کرتے ہوئے عمر اکمل نے 2013-2012 کے پاکستان کے دورہ بھارت کے بارے میں بتایا۔
عمر اکمل نے کہا کہ یہ سال 2013 کی بات ہے ہم بھارت کے دورے پر گئے ہوئے تھے ہم نے وہاں سیریز جیتی تھی، میں ایک بار ایم ایس دھونی کے ساتھ ڈنر کر رہا تھا، اس وقت سریش رائنا، یوراج سنگھ، اور شعیب ملک بھی موجود تھے۔
اس دوران ٹیم انڈیا کے منیجر اندر آئے اور دھونی سے کہا کہ وہ کوہلی کو آخری ون ڈے میچ میں نہ کھلائیں، اس پر دھونی نے انھیں جواب دیا کہ میں چھ ماہ سے گھر نہیں گیا ہوں، آپ میری اور کوہلی کی ٹکٹ ایک ساتھ بُک کیوں نہیں کرتے؟ اگلے میچ میں رائنا فائنل کپتانی کر سکتے ہیں۔
عمر نے بتایا کہ اس بات پر میں نے چونک کر دھونی کے چہرے کو گھورتا رہا، مینیجر بھی سمجھ گیا اس نے کہا کہ ٹھیک ہے، آپ جو چاہیں وہی کریں، آپ کوہلی کو آخری میچ میں کھلا سکتے ہیں۔
پاکستانی کرکٹر نے بتایا کہ میں نے دھونی سے پوچھا کہ انھوں نے اس انداز میں کیوں جواب دیا، تو بھارتی کپتان نے وضاحت کرتے ہوئے بتایا کہ ویرات کوہلی ہمارے بہترین بلے باز ہیں، اگر وہ صرف 3-4 میچوں میں ناکام رہے ہیں تو ہم اسے بینچ پر کیوں بیٹھائیں۔
