Card image cap
ہاردک فیملی کیسی ہے؟ پونٹنگ کے سوال پر پانڈیا کا فوری جواب!

پاک بھارت میچ سے قبل رکی پونٹنگ کچھ انڈین پلیئرز سے گراؤنڈ میں ملاقات کی تھی، اس دوران انھوں نے پانڈیا سے فیملی کے بارے میں پوچھا تھا۔

آسٹریلیا کے سابق کپتان اور دہلی کیپٹلز کے کوچ رکی پونٹنگ نے اپنے فرنچائز کے ساتھیوں اکشر پٹیل، کلدیپ یادو اور رشبھ پنت سے ملاقات کی تھی اس دوران وہ بھارتی آل راؤنڈر ہاردک پانڈیا سے بھی ملے اور ان کے درمیان ہونے والی گفتگو میڈیا کی توجہ کا مرکز بن گئی۔

آسٹریلوی لیجنڈ سے ہاردک پانڈیا نے پوچھا کہ رکی سب کیسا چل رہا ہے؟ آپ کے اہلخانہ کیسے ہیں؟ اس پر رکی پونٹنگ نے کہا کہہ میری فیملی ٹھیک ہے وہ سب اچھے ہیں، تمہارا کیا حال ہے اور تمہاری فیملی کیسی ہے؟

پونٹنگ کی جانب سے یہ استفسار سنتے ہیں ہاردک پانڈیا نے فوری طور پر جوابد یا کہ سب کچھ بالکل ٹھیک ٹھاک ہے سب اچھا ہے۔

خیال رہے کہ بھارتی ٹیم کے آل راؤنڈر ہاردک پانڈیا اور اہلیہ و سربین اداکارہ نتاشا اسٹینکووچ کے درمیان طلاق کی خبریں کافی تواتر سے گردش کررہی تھیں۔

کرکٹر اور ان کی اہلیہ کے درمیان طلاق کی خبروں کے بعد نتاشا نے اپنی اور شوہر کی تصاویر سوشل میڈیا کی زینت بنادیں جس کے بعد یہ ان کے درمیان طلاق کی خبروں کو محض افواہ کہا جارہا ہے۔

صارفین کا ماننا ہے کہ ماڈل نتاشا نے ہمدردی حاصل کرنے کے لیے ایسا کیا اور مبینہ طور پر اپنی علیحدگی کی جعلی خبریں پھیلائیں اور اس طرح کا تاثر دیا۔

Card image cap
ایسی بے خبری! امریکی اسٹاف ڈیل اسٹین کو ہی بولنگ سکھانے لگا

امریکی اسٹاف کے ایک رکن نے بے خبری کی انتہا کردی وہ جنوبی افریقی لیجنڈ ڈیل اسٹین کو ہی بولنگ کے گر سکھانے لگا۔

ٹی ٹوئنٹی ورلڈ کپ کے دوران سوشل میڈیا پر گردش کرنے والی ایک ویڈیو میں دیکھا جاسکتا ہے کہ ایک امریکی عملے کا رکن دنیائے کرکٹ کے مانے ہوئے فاسٹ بولر ڈیل اسٹین کو بولنگ کرنے کا طریقہ سکھا رہا ہے، اس واقعے کی ویڈیو تیزی سے سوشل میڈیا پر وائرل ہوگئی۔

وائرل ویڈیو نے سوشل میڈیا پلیٹ فارم ایکس پر نیٹیزنز کی توجہ حاصل کرلی ہے جبکہ کئی لوگوں نے اس پر دلچسپ انداز میں اظہار خیال بھی کیا۔

جنوبی افریقی لیجنڈ ڈیل اسٹین اس وقت امریکا میں موجود ہیں وہ آئی سی سی ٹی ٹوئنٹی ورلڈ کپ کے کمنٹری پینل کا حصہ ہیں۔

خیال رہے کہ اسٹین نے 2021 میں کرکٹ سے اپنی ریٹائرمنٹ کا اعلان کیا تھا، انھیں اپنے دور کے سب سے بہترین بولرز میں سے ایک شمار کیا جاتا تھا جن کا سامنا کرتے ہوئے بڑے بڑے بیٹرز گھبراتے تھے۔

انھوں نے اپنے کیریئر کے دوران 93 ٹیسٹ میچز میں جنوبی افریقہ کی نمائندگی اور 439 وکٹیں اپنے نام کیں، ڈیل نے اپنا آخری ٹیسٹ سری لنکا کے خلاف 2019 میں کھیلا تھا۔

Card image cap
ٹی 20 ورلڈ کپ: آئرلینڈ کا بھارت کو 97 رنز کا ہدف

ٹی 20 ورلڈ کپ کے آٹھویں میچ میں آئرلینڈ نے بھارت کو جیت کے لیے 97 رنز کا ہدف دے دیا۔

نیویارک میں کھیلے جارہے میچ میں آئرلینڈ کی ٹیم 16 اوورز میں 96 رنز بنا کر ڈھیر ہوگئی اور بھارت کو جیت کے لیے 97 رنز کا ہدف دیا۔

آئرلینڈ کے صرف چار کھلاڑی ڈبل فگر میں داخل ہوسکے، گیرتھ 26 رنز بنا کر نمایاں رہے، جوش لٹل کو 14 رنز پر جسپریت بمراہ نے آؤٹ کیا۔

کرٹس کیمفر 12 اور لورکن ٹکر 10 رنز بنا کر پویلین لوٹ گئے، کپتان پال اسٹرلنگ 2 رنز بنا کر ارشدیپ سنگھ کا نشانہ بنے۔

بھارت کی جانب سے ہاردک پانڈیا نے تین کھلاڑیوں کو پویلین کی راہ دکھائی، ارشدیپ سنگھ اور جسپریت بمراہ نے دو، دو وکٹیں حاصل کیں۔

اس سے قبل بھارتی ٹیم کے کپتان روہت شرما نے ٹاس جیت کر آئرش ٹیم کو پہلے بیٹنگ کی دعوت دی تھی۔

روہت شرما کا کہنا تھا کہ نیویارک کی کنڈیشن باقی جگہ سے مختلف ہے، کوشش کریں گے اپنے تجربے سے اچھے کھیل کا مظاہرہ کریں۔

پال اسٹرلنگ کا کہنا تھا کہ ہماری ٹیم میں بہت سے میچ ونرز موجود ہیں، کوشش ہوگی سو فیصد کارکردگی دیں اور میچ میں کامیابی حاصل کریں۔

ہیڈ ٹو ہیڈ مقابلوں میں بھارت نے آئرلینڈ کے خلاف تمام 7 میچز جیتے ہیں۔

واضح رہے کہ گزشتہ روز انگلینڈ اور اسکاٹ لینڈ کا میچ بارش کی نذر ہوگیا تھا جبکہ نیدرلینڈز نے نیپال کو 6 وکٹوں سے شکست دی تھی


Card image cap
واٹس ایپ نے نئے فیچر میں صارفین کی بڑی مشکل آسان کر دی

میسجنگ ایپ واٹس ایپ نے اپنے صارفین کی بڑی مشکل آسان کرتے ہوئے ایک اور زبردست فیچر پیش کر دیا ہے۔

واٹس ایپ نے کہا ہے کہ صارفین کی سہولت کے لیے ’فیورٹ چیٹ فلٹر‘ کا اضافہ کیا جا رہا ہے، اس فیچر کی مدد سے صارفین کو اپنے پیغامات ٹریک کرنا آسان ہو جائے گا۔

واٹس ایپ صارفین روزانہ متعدد پیغامات موصول ہوتے ہیں جس کی وجہ سے انھیں پسندیدہ کانٹیکٹس کے پیغامات کو ٹریک کرنے میں دشواری پیش آتی ہے، اس کا ایک حل ’پِن چیٹ‘ بھی ہے مگر اس کے تحت محدود چیٹس ہی کو پن کیا جا سکتا ہے۔

اب نیا فیچر ’فیورٹ فلٹر‘ صارفین کو اہم کانٹیکٹس اور گروپس کے میسجز تک جلد رسائی کی سہولت فراہم کرے گا۔ سب سے پہلے صارفین کو کانٹیکٹس کو فیورٹس لسٹ میں شامل کرنا ہوگا۔

فیچر سے مستفید ہونے کے لیے آپ کو ایڈ ٹو فیورٹس آپشن میں جانا ہوگا۔

آل پر کلک کرنے پر آپ کی تمام چیٹس ہوم فیڈ پر نظر آنے لگیں گی۔ اگر آپ اَن ریڈ کا انتخاب کریں گے تو صرف وہ چیٹس نظر آئیں گی جن کو آپ نے پڑھا نہیں ہوگا، جب کہ فیورٹس پر کلک کرنے سے صارفین کے پسندیدہ چیٹس اور گروپس الگ ہوتے جائیں گے۔

فی الوقت یہ فیچر بیٹا ورژن میں دستیاب ہے۔


ٹی 20 ورلڈ کپ: جنوبی افریقہ کیخلاف سری لنکا 77 رنز پر ڈھیر

ٹی 20 ورلڈ کپ کے چوتھے میچ میں جنوبی افریقہ کیخلاف سری لنکا کی ٹیم 77 رنز پر ڈھیر ہوگئی۔

نیویارک میں کھیلے جارہے میچ میں سری لنکا کی ٹیم آخری 19.1 اوور میں 77 رنز پر آل آؤٹ ہوگئی اور جنوبی افریقہ کو جیت کے لیے 78 رنز کا ہدف دیا۔

کوشل مینڈس 19، اینجلو میتھیوز 16، کمنڈو مینڈس 11 رنز بناسکے، سری لنکا کے 8 بلے باز ڈبل فگر میں بھی داخل نہ ہوسکے۔

کپتان ونند ہسارنگا بغیر کوئی رن بنائے پویلین لوٹ گئے، سدھیرا سماراوکرما کو کیشو مہاراج نے صفر پر بولڈ کیا، دسن شناکا 9 رنز بناسکے۔

جنوبی افریقہ کی جانب سے انریک نورٹجی نے چار کھلاڑیوں کو پویلین کی راہ دکھائی، کیشو مہاراج اور ربادا نے دو، دو وکٹیں حاصل کیں۔

اس سے قبل گروپ ڈی کے میچ میں سری لنکا کے کپتان ونندو ہسارنگا نے ٹاس جیت کر جنوبی افریقہ کو پہلے بولنگ کی دعوت دی تھی۔

ہیڈ ٹو ہیڈ مقابلوں میں جنوبی افریقہ کو سری لنکا پر برتری حاصل ہے، 17 میں سے 12 میچز میں کامیابی حاصل کی۔

جنوبی افریقہ پلیئنگ الیون:

جنوبی افریقہ کی ٹیم میں ایڈن مرکرام کپتان ہیں، دیگر کھلاڑیوں میں کوئنٹن ڈی کاک، ریزا ہینڈرکس، ہینرک کلاسن، ڈیوڈ ملر، ترستن اسٹبس، مارکو جینسن، کیشو مہاراج، کاگیسو ربادا، انرک نورٹجی، اور اوٹنیل بارٹمین شام ہیں۔

سری لنکا پلیئنگ الیون:

سری لنکا کی ٹیم میں ونندو ہسارنگا کپتان ہیں، دیگر کھلاڑیوں میں پتھم نسانکا، کوشل مینڈس، سدھیرا سماراوکرما، کمندو مینڈس، چرتھ اسالنکا، اینجلو میتھیوز، دسن شناکا، مہش تھکشانا، متھیشا پتھیرانہ اور نوون تھشارا شامل ہیں۔

اس سے قبل ٹی ٹوئنٹی ورلڈکپ کے تیسرے میچ میں عمان اور نمیبیا کا میچ برابر ہوگیا جس کے بعد فیصلہ سپر اوور میں ہوا تھا۔

 ٹوئنٹی ورلڈکپ کے پہلے سپر اوور میں نمیبیا نے عمان کو 11 رنز سے شکست دی تھی۔

پاکستان نے ٹی 20 ورلڈ کپ کے لیے اسکواڈ کا اعلان کردیا

پاکستان کرکٹ بورڈ (پی سی بی)  نے بالآخر ٹی 20 ورلڈ کپ کے لیے 15 رکنی اسکواڈ کا اعلان کردیا۔

آئی سی سی ٹی 20 ورلڈ کپ 2024 میں بابر اعظم ٹیم کی قیادت کریں گے، 15 رکنی اسکواڈ میں صائم ایوب، محمد رضوان، عثمان خان، فخر زمان شامل ہیں۔

جارح مزاج بیٹر اعظم خان، افتخار احمد، آل راؤنڈر عماد وسیم، شاداب خان، ابرار احمد بھی اسکواڈ کا حصہ ہیں۔

فاسٹ بولرز حارث رؤف، محمد عامر، شاہین آفریدی، عباس آفریدی، نسیم شاہ ٹیم میں شامل ہیں۔

پی سی بی کا کہنا ہے کہ فاسٹ بولر حارث رؤف مکمل فٹ، نیٹ میں بولنگ کررہے ہیں۔

کرکٹ بورڈ کا کہنا ہے کہ ٹیم کے ساتھ ٹریولنگ ریزرو نہیں رکھے گئے ہیں، یہ بہت ہی ہنرمند اور متوازن اسکواڈ ہے۔

  واضح رہے کہ ٹی 20 ورلڈ کپ کا آغاز  دو جون سے امریکا اور ویسٹ انڈیز میں ہوگا، گروپ اے میں شامل قومی ٹیم اپنا پہلا میچ 6 جون کو میزبان امریکا کے خلاف کھیلے گی جبکہ 9 جون کو پاک بھارت ٹیمیں مدمقابل آئیں گی۔

پاکستان اور کینیڈا کی ٹیمیں 11 جون کو مدمقابل آئیں گی، 16 جون کو پاکستان آخری گروپ میچ میں آئرلینڈ کے خلاف کھیلے گا۔

کھیل کے میدان سے بھارت کیلیے انتہائی بُری خبر، ورلڈ کپ اور چیمپئن شپ سے باہر

بھارت جو اپنی بڑی آبادی اور کثیر کمائی کے باعث کھیلوں کی دنیا کا چوہدری بننے کا خواہاں ہے اب اس کے لیے کھیل کے میدان سے ہی بری خبر ہے۔

بھارت کی کبڈی ٹیم پر انٹرنیشنل ایونٹس میں شرکت پر پابندی عائد کر دی ہے جس کے بعد وہ نہ صرف انٹرنیشنل کبڈی چیمپئن شپ بلکہ ورلڈ کپ میں بھی حصہ نہیں لے سکے گی۔

میڈیا رپورٹس کے مطابق بھارتی کبڈی ٹیم پر انٹرنیشنل ٹورنامنٹ میں شرکت پر پابندی لگانے کا بڑا فیصلہ ایشین کبڈی فیڈریشن کے آن لائن اجلاس میں کیا گیا اور سیکریٹری ایشین کبڈی فیڈریشن  نے بھارتی ٹیم کے خلاف اس انتہائی اقدام کی وجہ کبڈی فیڈریشن  کی منتخب باڈی کو اختیارات نہ دینا قرار دیا ہے۔

سیکریٹری ایشین کبڈی فیڈریشن سرور رانا کا کہنا ہے کہ بھارت کبڈی حکام کو اس حوالے سے کئی مرتبہ یاد دہانی کرائی گئی مگر منتخب باڈی کو اختیارات نہیں دیے گئے۔

ایشین کبڈی فیڈریشن کے مطابق منتخب باڈی کو اختیارات نہ دیے جانے تک بھارتی ٹیم کے انٹرنیشنل ایونٹس میں شرکت پر پابندی برقرار رہے گی۔

لیسکو کےخلاف شاہدرہ سٹیشن کےعلاقہ مکینوں کا احتجاج

لیسکو کےخلاف شاہدرہ سٹیشن کےعلاقہ مکینوں کا احتجاج