14 سالہ بچی سے 4 ملزمان کی مبینہ زیادتی
نوشہروفیروز: نیو جتوئی میں 14 سال کی بچی سے 4 ملزمان کی مبینہ زیادتی کرنے کا واقعہ پیش آیا ہے، لڑکی کو میڈیکل کے لیے اسپتال منتقل کردیا گیا۔
پولیس نے بتایا کہ متاثرہ بچی کے والد کی مدعیت میں مقدمہ درج کرلیا گیا جبکہ 14 سالہ بچی کو میڈیکل کیلئے اسپتال منتقل کردیا گیا ہے، مقدمے میں پٹھان کھوسو، ساجن کھوسو سمیت 2 نامعلوم ملزمان کو نامزد کیا گیا ہے۔
ایس ایچ او نیو جتوئی کا کہنا تھا کہ مبینہ طور پر 14 سالہ لڑکی سے
زیادتی کے مرتکب ملزمان فرار ہوگئے ہیں جلد سلاخوں کے پیچھے ہونگے۔
حال ہی میں گوجرانوالہ میں بھی اسکول کی طالبات سے مبینہ زیادتی کے الزام میں ٹیچر کے شوہر کو گرفتار کیا گیا تھا، جس نے کم عمر بچیوں کو درندگی کا نشانہ بنایا تھا۔
پولیس کے مطابق ملزم عمران سلیم کے موبائل فون میں طالبات کی نازیبا ویڈیوز موجود تھیں جن کی بنیاد پر وہ طالبات کو بلیک میل کرتا تھا۔
ملزم کالونی کے سرکاری اسکول میں کینٹین چلاتا تھا اور کئی طالبات کو مبینہ زیادتی کا نشانہ بناتا رہا، متاثرہ طالبات کے والدین کی مدعیت میں ملزم کے خلاف 5 مقدمات درج کر لیے گئے ہیں۔
ایک جائزہ چھوڑیں۔