![روس نے دنیا میں بڑھتی دہشتگردی کی ذمے داری افغانستان پر ڈال دی](https://dailyrasta.com/assets/postImages/1719333018top.webp)
روس نے دنیا میں بڑھتی دہشتگردی کی ذمے داری افغانستان پر ڈال دی
روسی وزیر خارجہ نے سرگئی لاروف نے کہا ہے کہ افغانستان کی جانب سے بڑھنے والی دہشتگردی نے پوری دنیا کو اپنی لپیٹ میں لے رکھا ہے۔
روس، جس نے حال ہی میں داعش اور القاعدہ کو دنیا کے لیے خطرہ قرار دے چکا ہے اور اب اس کے وزیر خارجہ سرگئی لاروف نے قازقسان کے شہر الماتی میں کلیکٹو سیکیورٹی ٹریٹی آرگنائزیشن کے وزرائے خارجہ کونسل کے اجلاس میں خطاب کرتے ہوئے افغانستان سے ہونے والی دہشتگردی پر خبردار کرتے ہوئے کہا کہ افغانستان کی جانب سے بڑھنے والی دہشتگردی نے پوری دنیا کو اپنی لپیٹ میں لے رکھا ہے۔
یہ اجلاس، جس میں روس کے علاوہ تاجکستان، کرغزستان، قازقستان اور بیلاروس کے وزرائے خارجہ نے شرکت کی۔ روسی وزیر خارجہ نے کہا کہ افغانستان میں داعش، القاعدہ اور ان سے وابستہ جنگجو تنظیمیں خطے میں امن کے لیے سنگین خطرہ ہیں۔
ان کا کہنا تھا کہ ہم دہشتگردی کے خلاف جنگ کی حمایت کو اہمیت دیتے ہیں اور دہشتگردی کے خلاف جنگ کے حوالے سے طالبان کے ساتھ ٹھوس بنیادوں پر مذاکرات کی ضرورت ہے۔
سیکرٹری جنرل برائے کلیکٹو سیکیورٹی ٹریٹی آرگنائزیشن امنگالی تسماگمبیٹوف نے بھی وزرائے خارجہ کے اجلاس میں علاقائی سلامتی کی صورتحال اور (CTSO ) کے رکن ممالک کی سلامتی پر افغان دہشتگردی کے اثرات پر ایک رپورٹ پیش کی جب کہ روسی وزارت خارجہ سے وابستہ ایک انسٹی ٹیوٹ کے محقق جارجی گریگوریوچ نے ایک مضمون میں طالبان اور القاعدہ کے درمیان تعلقات کے بارے میں خبردار کیا۔
ایک جائزہ چھوڑیں۔