غزہ چھوڑنے کے بعد خود کو بے سکون و غیر محفوظ محسوس کر رہا ہوں: معتز عزیزہ

• بیرونی خبریں

غزہ میں جاری اسرائیلی جارحیت کو دنیا کے سامنے لانے والے فلسطینی فوٹو جرنلسٹ معتز عزیزہ کا کہنا ہے کہ غزہ چھوڑ کر آنے کے بعد خود کو بہت بے سکون اور غیر محفوظ محسوس کر رہا ہوں۔

معتز عزیزہ نے فوٹو اینڈ ویڈیو شیئرنگ ایپ انسٹاگرام پر ایک تفصیلی نوٹ شیئر کیا ہے۔

اُنہوں نے لکھا ہے کہ مجھے غزہ چھوڑے ہوئے 2 ماہ گزر گئے ہیں اور میں نے خود کو کبھی پُر سکون اور محفوظ محسوس نہیں کیا۔

 فلسطینی فوٹو جرنلسٹ نے لکھا ہے کہ میں ہمیشہ تھکا ہوا رہتا ہوں، سو نہیں سکتا اور خود کو کمزور محسوس کرتا ہوں۔

اُنہوں نے لکھا کہ ان دو مہینوں کے دوران میں مختلف وجوہات کی بنا پر کچھ دن اسپتال میں داخل رہا اور باقی کا وقت میں نے دنیا کو فلسطینیوں پر ہونے والے مظالم دکھانے اور بتانے کی کوشش کرتا رہا۔