اقوام متحدہ نے کہا ہے کہ اسرائیل نے غزہ کو تباہ کرنے کے لیے 2 جوہری بموں کے برابر بارود استعمال کیا۔

اقوام متحدہ کی نمائندہ خصوصی برائے فلسطین کی جاری رپورٹ میں انکشاف کیا گیا ہے کہ اسرائیل غزہ پر اب تک 25 ہزار ٹن بارود استعمال کرچکا ہے جو 2 جوہری بموں کے برابر ہے۔

رپورٹ کے مطابق اسرائیلی فورسز نے اسپتالوں، زرعی اراضی، اسپتال ، تعلیمی اداروں اور فلسطینیوں کے گھروں کو مکمل طور پر تباہ کردیا ہے۔

اسرائیل کے حملوں میں 70 ہزار سے زائد فلسطینی  زخمی ہوچکے ہیں جبکہ ہزاروں کو گرفتار کیا ہے۔ اسرائیلی فوج گرفتار فلسطینوں کو بدترین انسانیت سوز مظالم کا نشانہ بنا رہی ہے۔

رپورٹ میں مزید کہا گیا ہے کہ اسرائیل یہ ثابت کرنے میں ناکام رہا ہے کہ غزہ میں مارے جانے والے مرد حماس سے تعلق رکھتے تھے۔ غزہ پر 7 اکتوبر 2023 سے اب تک اسرائیلی حملوں میں جان سے ہاتھ دھونے والے فلسطینوں کی تعداد 30 ہزار سے زائد ہے جبکہ اسرائیلی بمباری سے کھنڈر بننے والی عمارتوں کے ملبے تلے دبے 12 ہزار افراد کو بھی جاں بحق تصور کیا جا رہا ہے۔

معروف میسیجنگ ایپلی کیشن ’واٹس ایپ‘ اپنے اینڈرائیڈ صارفین کیلئے ایک کارآمد فیچر متعارف کرانے کی تیاری کررہا ہے۔

تفصیلات کے مطابق میٹا کی زیرملکیت مقبول ترین میسیجنگ ایپلی کیشن واٹس ایپ گزشتہ چند ہفتوں سے متعدد نئے فیچرز متعارف کرا رہا ہے جو صارفین کے لیے بے حد کارگر ثابت ہورہے ہیں۔

غیر ملکی خبر رساں ادارے کی رپورٹ کے مطابق تیار کیے جانے والے نئے فیچر سے صارفین اب وائس میسج کو سننے کے بجائے اسے پڑھ سکیں گے۔

بیٹا ورژن میں اس فیچر کو ان ایبل کرنے کے لیے 150 ایم بی ڈیٹا بھی ڈاؤن لوڈ کرنا ہوگا۔ یہ فیچر کسی ایسی جگہ کارآمد ثابت ہوگا جہاں شور بہت زیادہ ہو اور وائس میسج سننا بہت مشکل ہو۔

رپورٹ کے مطابق وائس میسج کے متن کو اینڈ ٹو اینڈ انکرپشن تحفظ فراہم کرنے کے لیے ڈیوائس کے اسپیچ ریکگنیشن فیچر کو استعمال کیا جائے گا۔

یعنی وائس میسج کو تحریر میں بدلنے کا عمل فون کے اندر ہی ہوگا تاکہ صارفین کی پرائیویسی کو تحفظ مل سکے۔

رپورٹ کے مطابق یہ فیچر بیٹا ورژن میں متعارف کرایا گیا ہے تاہم یہ کہنا ابھی مشکل ہے کہ تمام صارفین کو کب تک دستیاب ہوگا۔

رپورٹ میں بتایا گیا کہ اس حوالے سے کام کافی تیزی سے جاری ہے اور امکان ہے کہ بہت جلد اسے پلیٹ فارم کا حصہ بنایا جاسکتا ہے۔

پی ٹی آئی کے رہنما شیر افضل مروت نے عمران خان اور شاہ محمود قریشی  کو سائفر کیس میں  سنائی گئی سزا کے خلاف اپیل کے حوالے سے انکشاف کیا ہے کہ منگل تک اچھی خبر ملے گی۔ 

شیر افضل مروت نے ایبٹ آباد میں میڈیا سے نمائندوں سے گفتگو  کرتے ہوئے  کہا کہ عمران خان  کے خلاف کیس محض انتقامی کاروائیاں تھے،  ان کے خلاف کیسز میں وکلا کو مکمل جرح کا حق نہیں دیا گیا۔

شیر افضل مروت نے انکشاف کیا  کہ بانی پی ٹی آئی کے خلاف سائفر کیس کے فیصلے کے خلاف اپیل میں منگل تک اچھی خبر ملے گی۔

 شیر افضل نے یہ بھی کہا کہ "مینڈیٹ چوری ریکوری"  کیلئے پلان مرتب کرلیا ہے اور 30 مارچ سے آغاز کریں گے.مشتاق احمد غنی کی کابینہ میں شمولیت کیلئے بانی پی ٹی آئی سے بات کروں گا۔

 واشنگٹن سے پاکستانی سفیر کے بھیجے ہوئےکانفیڈنشل سائفر  کے کیس میں عمران خان اور شاہ محمود کو 10، 10 سال قید بامشقت کی سزا  سنائی گئی ہے۔ اس کیس کی سماعت سکیورٹی مسائل کی وجہ سے راولپنڈی جیل مین کی گئی تھی۔ ابتدا میں مقدمہ کے مواد میں کانفیڈنشیلٹی کے پہلو کے سبب اس کیس کی کچھ سماعتیں ان کیمرہ کی گئیں، کچھ گواہیں بھی ان کیمرہ ریکارڈ کی گئیں تاہم بعد ازاں اسلام آباد ہائی کورٹ کے حکم پر ان کیمرہ ریکارڈ کی گئی گواہیاں دوبارہ پبلک ہئیرنگ کر کے ریکارڈ کی گئیں اور تمام گواہوں پر جرح بھی پبلک ہئیرنگ میں کی گئی تھی۔ سرکاری گواہوں میں سے کچھ پر صفائی کے وکیلوں نے  جرح کی تھی، کچھ گواہوں پر جرح  کے لئے وکلائے صفائی پیش نہیں ہوئے تھے۔ اس کے بعد عدالت نے ملزمان کو ریاست کی جانب سے  وکلا مہیا کر دیئے تھے جنہوں نے گواہوں پر جرح مکمل کی تھی۔

خیال رہے کہ اسلام آباد ہائیکورٹ میں سابق وزیراعظم عمران خان اور شاہ محمود کی سائفر کیس سزا کے خلاف اپیلیں زیر سماعت ہیں۔

آفیشل سیکرٹ ایکٹ کی خصوصی عدالت نے سائفر کیس میں بانی پی ٹی آئی عمران خان اور شاہ محمود قریشی کو 10،10 سال قید کی سزا سنائی تھی۔

 ماسکو میں اتوار کے روز ہزاروں شہریوں نے اس کنسرٹ ہال جا کر پھولوں کے نذرانے پیش کئے جہاں جمعہ اور ہفتے کی درمیانی شب کچھ دہشتگردوں نے فائرنگ کر کے  137 افراد کو  ابدی نیند سلا دیا تھا۔ اتوار کے روز ہی داعش خراسان نے ایک سو  سینٹیس انسانوں کو موت کے منہ میں دھکیل دینے والے شقی القلب حملہ آوروں کی تصویر فخر کے ساتھ جاری کی۔

داعش یہ تصویر اس وقت سامنے لائی ہے جب ماسکو میں رہنے والے   ایک کروڑ  20 لاکھ انسان مقتول شہریوں کے سوگ میں گریہ کر رہے ہیں اور پوری دنیا ان کے دکھ میں شریک ہو رہی ہے۔

داعش نے جو  تصویر جاری کی ہے  اس کے بارے میں اس کا دعوی ہے کہ یہ وہ چار حملہ آور تھے جو ماسکو کے ایک کنسرٹ ہال میں فائرنگ کرنے کے لئے گئے تھے۔   

روس میں قومی سوگ

روس میں  دو دہائیوں کے مہلک ترین دہشتگرد حملے میں مرنے والے 137 شہریوں کے سوگ مین آج ماسکو مین روس کا قومی پرچم سرنگوں رکھا گیا ہے۔

صدر ولادیمیر پوتن نے حملے کے پیچھے تمام افراد کا سراغ لگانے اور سزا دینے کے عہد کے ساتھ اتوار کو قومی یوم سوگ کا اعلان کیا تھا، اس دہشتگرد حملہ میں مرنے والوں میں  تین بچے بھی شامل ہیں جبکہ  150 سے زائد زخمی ہسپتالوں میں پڑے ہیں۔

 پوٹن نے حملہ آوروں کے گرفتار ہونے کے متعلق بتایا لیکن انہوں نے پبلک کے سامنے یہ نہیں بتایا کہ یہ حملہ آور جو گرفتار کئے گئے ہیں یہ کون ہیں اور ان کے پیچھے کون ہے۔  صدر پوٹین البتہ یہ بتایا کہ حملہ کرنے کے بعد یہ لوگ  یوکرین فرار ہونے کی کوشش کر رہے تھے۔ انہوں نے زور دے کر کہا کہ "یوکرین کی طرف" کچھ لوگوں نے انہیں سرحد پار کرنے کے لیے تیار کیا تھا۔

یوکرین نے بارہا اس حملے میں کسی بھی قسم کے کردار سے انکار کیا ہے، جس کا الزام پوٹن نے "بین الاقوامی دہشت گردی" پر بھی لگایا تھا۔

 کے بیسلان اسکول کے محاصرے کے بعد یہ روسی سرزمین پر سب سے مہلک حملہ تھا، اس وقت بھی  ایک دہشت پسند مسلم گروپ سے منسلک حملہ آوروں نے سینکڑوں بچوں سمیت 1000 سے زائد افراد کو یرغمال بنا لیا تھا۔

ماسکو کے علاقے کے گورنر آندرے ووروبیوف نے اتوار کے روز کہا کہ ریسکیو آپریشن مکمل ہو گیا ہے اور تلاش کا کام ابھی بھی جاری ہے۔

"رشتہ داروں کی طرف سے شناخت کا عمل آگے بڑھ رہا ہے۔ ہسپتالوں میں ڈاکٹر 107 لوگوں کی زندگیوں کی جنگ لڑ رہے ہیں۔