کورونا وائرس کی نئی شکل بھی پاکستان پہنچ گئی۔ کئی متاثرین کی نشاندہی ہو گئی۔

کووڈ 19 کا نیا ویریئنٹ جے این ون پشاور میں دریافت ہوا ہے جہاں خیبرمیڈیکل یونیورسٹی کے 2 ملازمین کے اس وائرس سے متاثر ہونے کی تصدیق ہو گئی ہے۔
ڈائریکٹرجنرل ہیلتھ سروسز خیبرپختونخوا نے ڈسٹرکٹ ہیلتھ آفیسرز کو مراسلہ میں تصدیق کی ہے کہ خیبرمیڈیکل یونیورسٹی کے 2 ملازمین جے این ون وائرس سے متاثر  ہیں۔

 رواں سال صوبے میں کووڈ 19 کے مختلف ویرئینٹس سے متاثرہ 9 مریض سامنے آئے ہیں۔ے این ون ویریئنٹ کا پھیلاؤ 83 فیصد ہے،کورونا کے جے این ون ویریئنٹ سے متعلق رسمی طور پر  پبلک ایڈوائزری جاری کی جا چکی ہے تاہم وبا سے بچنے کے لئے عوامی آگاہی کی کوئی کیمپین نہیں چلائی جا رہی۔

شہر میں صبح سویرے ہلکی بارش نے موسم سہانا کر دیا ، بادلوں اور ٹھنڈی ہواؤں کے راج سے سردی میں اضافہ، درجہ حرارت 16 ڈگری سینٹی گریڈ ریکارڈ ،زیادہ سے زیادہ 22 ڈگری تک رہنے کے امکان ہے۔

محکمہ موسمیات کی جانب سے آئندہ 24 گھنٹوں کے دوران اور رواں ہفتے بارش کا سپیل شہر میں وقفے وقفے سے جاری رہنے کی پیشگوئی کی گئی۔
آسمان سے گرتی بوندوں نے سماں باندھ دیا ہے۔ہلکی بوندا باندی سے موسم خوشگوار ہوگیا ،بہار کی رم جھم نے موسم کے تیور بدل دیے۔

محکمہ موسمیات کے مطابق ہوا میں نمی کا تناسب 90 فیصد ہے۔ہوا 10 کلو میٹر فی گھنٹہ کی رفتار سے چل رہی ہے۔

محکمہ موسمیات کے مطابق آئندہ 24 گھنٹوں کے دوران بارش کی مرید بارش ہو سکتی ہے ۔رواں ہفتے بارش کا سپیل جاری رہنے کا امکان ہے۔

 دوسری جانب عالمی فضائی آلودگی کی درجہ بندی میں لاہور دوسرے نمبر پر آگیا۔ائیر کوالٹی انڈکس کی مجموعی شرح 201 ریکارڈ۔فیز8-ڈی ایچ اے 306،سید مراتب علی روڈ 250,کینٹ پولو گراؤنڈ204 ,فدا حسین ہاؤس 228 ،ٹھوکر نیاز بیگ 109 ائیر کوالٹی انڈکس ریکارڈ ہوا۔

پاکستان بھی دنیا کے بیشتر خطوں کی طرح موسمیاتی فنامنا ایل نینو کی زد میں ہے جس کے سبب پاکستان میں جزوی خشک سالی اور شدید موسم کا سامنا کرنا پڑ رہا ہے۔ 

اس تبدیلی کو نہ محکمہ موسمیات مان رہا ہے نہ ہی حکومت کی متعلقہ وزارت کے افسران کو اس کی کوئی فکر ہے۔ تبدیلی نے دریاؤں میں پانی کی قلت کے ساتھ پہاڑی علاقوں میں ایکو سسٹم پر مضر اثرات پڑنے کے خدشات بڑھا دیئے ہیں۔

دنیا کے اہم مسومیاتی اداروں نے اپریل 2023 میں ایک مضبوط ال نینو  کی ابتدا کے امکانات کو نوٹ کرنا شروع کر دیا تھا، اس کے کچھ ماہ بعد  ایل نینو   جون میں نمایاں ہونے لگا تھا۔تب ایل نینو کا مطالعہ کرنے والے ماہرین موسمیات میں سے پیشن گوئی کرنے والوں کا تخمینہ یہ تھا کہ 2023 مین ایل نینو کی ابتدا کا 55% سے زیادہ امکان ہے۔ اس وقت کہا جا رہا تھا کہ ال نینو جنوری 2024 سے مارچ 2024  تک مزید نمایاں ہو سکتا ہے۔تقریباً  33 فیصدامکان ہے کہ سمندری نینو انڈیکس مارچ 2024 تک  2.0 °C تک پہنچ جائے گا، جو  پاکستان بننے کے بعد اب تک غالباً چار بارہو چکا ہے: 1972-73، 1982-83، 1997-98، اور 2015-16۔

ملک میں موسم سرما نصف سے زیادہ گزر چکا ہے لیکن شمالی علاقہ جات، کشمیر اور پختونخواہ کے پہاڑوں پر برف باری نہ ہونے کے برابر ہوئی ہے۔  استور میں عام طور پر کئی فٹ برف سے ڈھک جانے والے پہاڑوں پر برف کا دور دور تک نشان نہیں اور درجہ حرارت بھی منفی 5 سے آگے نہیں جاسکا۔

 کشمیر میں نیلم، لیپا اور شونٹھر ، راولا کوٹ اور پیر پنجال کے علاقے جہاں جنوری کے ان دنوں میں کئی فٹ برف پڑ چکی ہوتی تھی ، وہاں اب تک برائے نام برف باری ہوئی ہے ، سرما کی بارشیں نہ ہونے سے پانی کے ذخائر میں ہی کمی نہیں آ رہی، ندیوں مین بھی پانی کم ہے جبکہ میدانی علاقوں میں زیر زمین پانی کا لیول گرنے کی رفتار بڑھنے کا خدشہ ہے۔  

 محکمہ موسمیات  نے آئندہ ہفتے بھی موسم سرد اور خشک رہنے کی پیشگوئی کی ہے۔ محکمہ موسمیات کا کہنا ہے کہ دھند سے متاثرہ علاقوں میں موسم شدید سرد رہنے کا امکان ہے جبکہ  16 اور 17 جنوری کو چترال اور گلگت میں ہلکی بارش کا امکان ہے۔

واضح رہے کہ دھند بارش کے برعکس موسمیاتی فنامنا ہے۔ دھند بارش کی عدم موجودگی میں بڑھتی ہے جبکہ بارش ہونے سے دھند  پیدا کرنے والے عوامل ختم ہو جاتے ہیں یا بہت کمزور ہو جاتے ہیں۔ پاکستان کے میدانی علاقوں میں دھند کی موجودگی اس امر کی علامت ہے کہ بارش دور ہے۔

اب یہ فنامنا کتنا عرصہ رہے گا اس کا کسی کو علم نہیں ہوتا۔ یہ بہرحال طے ہے کہ جلدی اس کے خاتمہ کا کوئی امکان نہین۔ بعض مرتبہ ایل نینو صرف ایک سال مین بھی ختم ہو جاتا ہے اور بعض دفعہ یہ تین سے چار سال تک چلتا ہے۔ اس دوران خشک سالی کے ساتھ غیر متووقع شدید بارشیں بھی ہو سکتی ہیں جیسی گزشتہ سال برسات میں بھارت میں ہماچل پردیش اور گزشتہ ہفتوں میں کرناٹک میں ہوئیں جو شدید نوعیت کے سیلابوں کا باعث بنیں، جبکہ اس ہی دوران بھارت کے بہت سے علاقوں مین برسات کی بارشیں اور اب ،موسم سرما کی بارشیں بھی تاریخی اوسط سے کم ہوئی ہیں۔ موسمیات کے ماہرین کے ساتھ ایک مسئلہ یہ بھی ہے کہ ایل نینو کا سال شروع ہونے کے بعد اس کے اثرات کی پیمائش اور مستقبل کی پیش گوئی کرنے کے لئے درکار کئی ماہ میں اکٹھا ہو پاتا ہے۔ 

 لاہور اور اس کے گردونواح میں دھند نے ڈیرے ڈال لیے، حد نگاہ محدود ہونے  پر معمولات زندگی متاثر ہونے لگی۔ 

 محکمہ موسمیات کے مطابق سردی کی شدت میں اضافہ ہونے سے درجہ حرارت 6 ڈگری ریکارڈ کیا گیا ہے۔ آئندہ 24 گھنٹوں کے دوران بارش کا کوئی امکان نہیں ہے۔ ہوا میں نمی کا تناسب 90فیصد ریکارڈ کیا گیا ہے۔

 دوسری جانب لاہور دنیا کے آلودہ ترین شہروں کی فہرست میں تیسرے نمبر پر آگیا ہے۔ شہر میں فضائی آلودگی کی مجموعی شرح 268 ریکارڈ کی گئی ہے۔ کینٹ پولو گراؤنڈ284، ایچی سن کالج میں شرح 115ریکارڈ، شاہراہ قائداعظم 564 جبکہ جوہر ٹاؤن میں آلودگی کی شرح 204ریکارڈ کی گئی ہے۔