ترجمان نے کہا ہے کہ پاکستان ریلویز کے پاس ٹرین آپریشن کیلئے فیول کی کوئی کمی نہیں ہے۔
اپنے بیان میں ترجمان نے بتایا کہ لاہور اور کراچی کے ڈپو میں ایک ماہ کے فیول ذخائر موجود ہیں لاہور اور کراچی کےڈپو ریلوے کی 62 فیصدضرورت پوری کرتے ہیں جب کہ دیگر ڈویژنز میں بھی وافر فیول موجود ہے۔
ترجمان کے مطابق اب پاکستان ریلویز پہلے کی
طرح فیول خرید کر نہیں رکھتا ریلوے کے پاس بجٹ بھی دستیاب ہےاورفیول بھی،
ریلوے کے اسٹوریج ٹینک ہمیشہ بھرے رہتے ہیں۔
ان کا کہنا تھا کہ فیول کی فراہمی پر ریلوے اور پی ایس او کا معاہدہ ہے پاکستان ریلویز کو فیول کی بلا تعطل فراہمی پی ایس او کے ذمہ ہے۔
کراچی: گاڑی خریدنے والے شہریوں کو کمپنی نے بڑا ریلیف فراہم کردیا، انڈس موٹرز نے صارفین کے لیے گاڑی کی قیمت میں کمی کردی۔
انڈس موٹرز نے کرولا کراس کی پہلی سالگرہ کی خوشی میں اس کی قیمت میں کمی کردی، کمپنی کی جانب سے کرولا کراس کے مختلف ویریئنٹ پر لاکھوں روپے کمی کا اعلان کیا گیا ہے۔
کرولا کراس کے 4 ویریئنٹ کی قیمت میں ساڑھے 8 سے 9 لاکھ تک کمی کردی
گئی، 2 ماڈل پر ساڑھے 8 لاکھ جبکہ 2 ماڈلز پر 9ل اکھ روپے کی بڑی کمی کی
گئی۔
انڈس موٹرز کی جانب سے قیمتوں میں کمی کے بعد کرولا کراس کی کم سے کم قیمت 72 لاکھ 99 ہزار اور زیادہ سے زیادہ 89 لاکھ 99 ہزار روپے ہوگئی ہے۔
دریں اثنا رواں مالی سال 2024-25 کے 2 ماہ میں گاڑیوں کی فروخت میں 36 فیصد اضافہ ہوگیا ہے، اس دوران گاڑیوں کی فروخت میں 4 ہزار 617 یونٹس کا اضافہ دیکھنے میں آیا۔
گزشتہ مالی سال جولائی اور اگست میں 12 ہزار 671 گاڑیاں فروخت ہوئی تھیں ،رواں مالی سال کے پہلے 2 ماہ میں گاڑیوں کی فروخت 17 ہزار 300 تک پہنچ گئی
مالی سال 2024-25 میں سامنے آنے والے اعداد و شمار کے مطابق پچھلے ما اگست میں مجموعی طور پر 8 ہزار 699 گاڑیاں فروخت ہوئی ہیں۔
وزیردفاع خواجہ آصف نے کہا ہے کہ پی آئی اے کی نجکاری اکتوبر کے آخر تک مکمل ہوجائیگی، ادارے پر 800 ارب کا قرضہ ہے۔
قومی اسمبلی کے اجلاس کے دوران گفتگور کرتے ہوئے وزیر دفاع خواجہ آصف کا کہنا تھا کہ پاکستان کی قومی ایئر پر 800 ارب روپے کا قرضہ ہے، پی آئی اے کا اس وقت نیا روٹ شروع نہیں کرنا چاہیے۔
کئی سالوں سے حیدرآباد ایئرپورٹ کی کمرشل ایئرلائنز کی بندش کے حوالے سے قومی اسمبلی میں توجہ دلاؤ نوٹس پیش کیا گیا۔
اس موقع پر خواجہ آصف نے کہا کہ بڑی دیر سے یہ ایئرپورٹ بند ہے، وہاں ٹریفک نہیں ہے، نقصان والے روٹ پر پروازیں نہیں چلائی جاسکتیں، پی آئی اے کی نجکاری اکتوبر کے آخر تک مکمل ہوجائیگی۔
خواجہ آصف نے کہا کہ پی آئی اے کی نجکاری کے بعد نئی انتظامیہ نئے روٹ کے امور کو دیکھے گی، مسافروں کی تعداد زیادہ ہے تو پروازوں کا جواز بنتا ہے، 15، 20 مسافروں کا خرچ تو رن وے پر ہی پورا ہوجاتا ہے۔
خواجہ اظہار الحسن کا کہنا تھا کہ پشاور سے حیدرآباد ایئرپورٹ کی ٹریفک زیادہ ہے، حج عمرے کی فلائیٹ وہاں سے نہیں چل رہی، حیدر آباد ایئرپورٹ اہمیت کا حامل ہے۔
کراچی: حبیب گروپ کے چیئرمین عارف حبیب نے کہا ہے کہ پی آئی اے خریدنے والے اگلے 3 سال تک ادارہ فروخت نہیں کرسکتے۔
ملک کی معروف کاروباری شخصیت عارف حبیب کا کہنا تھا کہ نئے خریدار کو پی آئی اے کے بیڑے میں 20 طیارے شامل کرنے ہونگے، دلچسپی رکھنے والے بیشتر خریداروں کی خواہش ہے وہ 75 فیصد شیئر خریدیں۔
انھوں نے کہا کہ ماضی میں بھی بڑا مسئلہ قرضوں اور سود کا رہا، مجموعی قرضہ 800 ارب ہوگیا، 600 ارب پی آئی اے ہولڈنگ کمپنی، 200 ارب خریدار کو ادا کرنے ہونگے۔
حبیب گروپ کے چیئرمین کا مزید کہنا تھا کہ پاکستان انٹرنیشنل ایئرلائن کے قرضوں میں زیادہ حصہ ایف بی آر اور سی اے اے کا ہے، پی آئی اے کے خریدار کو قرض واپسی کا ٹائم فریم ملنا چاہیے۔
عارف حبیب نے کہا کہ قرضوں کی واپسی فوری مانگی تو اسکی قیمت پر بہت برا اثر پڑےگا، ٹیک اوور کے بعد ملازمین اور قرضوں کا مسئلہ حل ہو تو جلد ٹرن ارآؤنڈ کیا جاسکتا ہے۔
ڈی جی دفترخارجہ کراچی نے کہا ہے کہ ایران کے شہر یزد میں بس حادثے میں شہید اور زخمی ہونے والوں کی شناخت مکمل ہوگئی ہے۔
ایرانی شہر یزد میں بس حادثے میں 28 زائرین کی شہادت کی تصدیق کی گئی ہے، ڈی جی دفترخارجہ عرفان سومرو کا کہنا ہے کہ 51 مسافروں میں سے 28 لوگ حادثے میں شہید ہوئے، وزیراعظم نے شہدا کی میتیں خصوصی طیارے میں پاکستان لانے کے احکامات دیے ہیں۔
انھوں نے بتایا کہ ایرانی حکومت سے رابطے میں ہیں، قانونی کارروائی مکمل کی جارہی ہیں، متاثرہ خاندانوں کے دکھ میں برابر کے شریک ہیں،
ڈی جی دفترخارجہ عرفان سومرو کا کہنا تھا کہ اللہ تعالیٰ شہدا کے لواحقین کو صبر جمیل اور زخمیوں کو جلد صحتیابی عطافر مائے۔
عرفان سومرو نے مزید کہا کہ متاثرہ فیملیز کو ایران کا سفر کرنے کی ضرورت نہیں ان کی مکمل معاونت کی جائیگی۔
خیال رہے کہ پاکستانی دفتر خارجہ نے ایران میں ٹریفک حادثےمیں پاکستانی شہریوں کی اموات پر اظہار افسوس کرتے ہوئے زائرین کےاہلخانہ سےدلی تعزیت اورہمدردی کا اظہار بھی کیا تھا۔
پاکستانی زائرین کی بس کو حادثہ تفتان چیک پوائنٹ کے قریب پیش آیا تھا جہاں بس میں آگ بھی لگ گئی تھی، ابتدائی اطلاعات کے مطابق جاں بحق افراد میں 11 خواتین اور 17 مرد شامل تھے۔
پی آئی اے کی نجکاری کے سلسلے میں 6 کمپنیوں، کنسورشیمز کو پری کوالیفائی کر لیا گیا۔ پری کوالیفائیڈ کمپنیاں اور کنسورشیمز پی آئی اے کی بولی میں حصہ لے سکیں گی۔
اس سلسلے میں وفاقی وزیرنجکاری علیم خان کی زیر صدارت نجکاری کمیشن بورڈ کا اجلاس ہوا جس میں علیم خان نے کہا کہ خسارے میں چلنے والے تمام اداروں کی شفاف اور تیز نجکاری یقینی بنائیں گے کاروباری گروپس کی ساکھ کا خیال رکھتے ہوئے ان کی حوصلہ افزائی کریں گے۔
انہوں نے کہا کہ نجکاری کے عمل کو میڈیا پر لائیو دکھائیں تاکہ کسی کو کوئی اعتراض نہ رہے۔
اظہاردلچسپی جمع کرانے والوں کی پری کوالیفکیشن کی جائےگی اور پری کوالیفائی کرنے والوں کو پی آئی اے کی مزید تفصیلات فراہم کی جائیں گی۔
پی آئی اے کی اسکیم آف ارینجمنٹ سے اسٹاک مارکیٹ کو بھی آگاہ کر دیا گیا ہے۔ اسکیم میں اثاثے، خسارے اورقرض ہولڈنگ کمپنی کو منتقل کر دیے گئے جب کہ اہم قانونی پیش رفت سے وزارت خزانہ اور نجکاری کو بھی آگاہ کر دیا گیا۔
عملے کے بیمار ہونے کے بعد بھارتی ایئر لائن نے درجنوں پروازیں منسوخ کر دیں۔
ایئر انڈیا کی بجٹ کیریئر، ایئر انڈیا ایکسپریس کے عملے ارکان اچانک بیمار پڑ گئے جس کی وجہ سے پروازوں کا شیڈول درہم برہم ہو گیا۔
2021 میں قومی ایئر لائن کی نجکاری کے بعد متعارف کرائی گئی نئی بھرتی اور پروموشن پالیسیوں پر عملے کی عدم اطمینان سے بڑے پیمانے پر بیماری کی چھٹی کو جوڑا جارہا ہے۔
ایئرلائن نے جمعرات کو 90 پروازوں کی منسوخی اور متاثر ہونے کا اعلان کیا ہے۔
دارالحکومت نئی دہلی کے ہوائی اڈے پر بدھ کے روز افراتفری کے مناظر دیکھے گئے جب مشتعل مسافر اپنی پروازوں کے بارے میں پریشان تھے۔
بجٹ کیریئر کے چیف ایگزیکٹو الوک سنگھ نے کہا کہ عملے کے 100 سے زائد ارکان نے بیمار ہونے کو کہا ہے۔
ایئر انڈیا ایکسپریس کے ترجمان نے کہا کہ ایئر لائن نے مخصوص افراد کے خلاف مناسب اقدامات کیے ہیں لیکن مزید تفصیلات فراہم نہیں کیں۔ترجمان نے کہا کہ ان کے اقدامات سے ہمارے ہزاروں مہمانوں کو شدید تکلیف ہوئی ہے۔
پاکستان آٹو موٹیو مینوفیکچررز ایسوسی ایشن کے وفد نے وزیرصنعت و پیداوار سے ملاقات کر کے استعمال شدہ گاڑیوں پر ریگولیٹری اور کسٹم ڈیوٹی واپس لینے کا معاملہ اٹھا دیا۔
پاما کے وفد نے وفاقی وزیر کو آٹو سیکٹر میں پیش آنے والی مشکلات سے آگاہ کرتے ہوئے کہا کہ استعمال شدہ کاروں کی درآمد میں اضافے نے آٹو موٹیو انڈسٹری کو متاثر کیا ہے۔
وزیر صنعت وپیداوار رانا تنویر حسین نے گزارشات سنتے ہوئے کہا کہ آٹو سیکٹر کو ترقی اور ہر ممکن سہولت دینے کےلئے پُرعزم ہیں، استعمال شدہ گاڑیوں پر ریگولیٹری اور کسٹم ڈیوٹی کی واپسی کا جائزہ لے رہے ہیں تمام متعلقہ اسٹیک ہولڈر سے ریگولیٹری اور کسٹم ڈیوٹی کا معاملہ اٹھائیں گے۔
راناتنویر نے کہا کہ آٹو سیکٹر کو عرصے سے رعایتی نظام کے ذریعے سہولت فراہم کی جا رہی ہے آٹو سیکٹر کو برآمدات میں اضافہ کرنا چاہیے آٹوسیکٹر کے مسائل کو ترجیحی بنیاد پر حل کرنےکی کوشش کریں گے۔
