پاکستان کے سابق کرکٹر محمد حفیظ نے بھارتی حملوں کو بزدلانہ اور شرمناک قرار دیا ہے۔

سوشل میڈیا پر اپنے ایک بیان میں محمد حفیظ نے کہا کہ بھارت کی جانب سے بزدلانہ اور غیر قانونی حملے شرمناک اقدام میں بدل گئے۔

محمد حفیظ نے لکھا کہ ہم بحیثیت قوم پاکستان کے دفاع کےلیے متحد ہیں۔ کرکٹر کے بیان پر صارفین نے کمنٹ سیکشن میں پاکستان سے اپنی محبت کا بھی کھل کر اظہار کیا۔

علاوہ ازیں سابق فاسٹ بولر شعیب اختر نے سوشل میڈیا پر اکاؤنٹ پر قومی پرچم کی تصویر پوسٹ کر کے لکھا کہ تیرا ہر ایک ذرہ ہم کو اپنی جان سے پیارا۔

سابق فاسٹ بولر کے اس پیغام کو صارفین نے بہت پسند کیا اور اس کے کمنٹ سیکشن میں بھی لوگوں نے پاکستان سے اپنی بے حد محبت کا اظہار کیا۔

یاد رہے کہ 6 اور 7 مئی کی درمیانی شب بھارت نے آزاد کشمیر میں مظفر آباد، کوٹلی اور باغ سمیت مریدکے اور شگر گڑھ میں سول آبادی کو نشانہ بناتے ہوئے 31 پاکستانیوں کو شہید اور 57 کو زخمی کیا۔

پاکستان کی مسلح افواج نے بھارتی جارحیت ما منہ توڑ جواب دیتے ہوئے 3 رافیل طیاروں سمیت بھارت کے 5 طیاروں کو تباہ کیاجبکہ پاک فوج نے مقبوضہ کشمیر میں کئی بھارتی چیک پوسٹوں کو بھی تباہ کیا۔

پاکستان کے سابق ہیڈ کوچ جیسن گلیسپی نے پاکستان میں کرکٹ ٹیلنٹ کی تعریف کرتے ہوئے بہتر نتائج کے حصول کے لیے پاکستان کرکٹ بورڈ کو اہم مشورہ بھی دیدیا۔

سابق بھارتی کپتان اور کمنٹیٹر سنیل گواسگر نے پاکستان کی چیمپئنز ٹرافی میں شکست پر تنقید کرتے ہوئے کہا تھا کہ موجودہ پاکستانی ٹیم ایسی ہے کہ انہیں شاید انڈیا کی بی ٹیم کو ہرانے کے لیے بھی مشکل کا سامنا کرنا پڑے۔

سنیل گواسکر کے بیان پر ردعمل دیتے ہوئے پاکستان کے سابق ہیڈ کوچ جیسن گلیسپی نے کہا کہ گواسکر کی بھارتی بی ٹیم کے ہاتھوں پاکستان کو شکست دینے کی بات بکواس ہے، پاکستان صحیح کھلاڑیوں کو منتخب کرے، گیم ڈیویلپ کے لیے وقت دے تو کسی ٹیم کو بھی ہرا سکتے ہیں۔

گلیسپی کا کہنا تھا اس میں کوئی شک نہیں کہ پاکستان میں بہت ٹیلنٹ ہے، بس صحیح ٹیلنٹ کو پک کرنے اور انھیں سپورٹ کرنے کی ضرورت ہے۔

سابق ہیڈ کوچ پاکستان کرکٹ ٹیم کا کہنا تھا نئے ٹیلنٹ کے ساتھ صبر کے ساتھ کام لیا جائے، اگر بورڈ نتائج چاہتا ہے تو صحیح لوگوں کوصحیح کام پر لگایا جائے، سلیکشن میں میرٹ پر لوگوں کو لایا جائے اور انھیں سپورٹ کیا جائے۔

جیسن گلیسپی کا کہنا تھا کوچز کو موقع دینا چاہیے تاکہ اچھے نتائج آسکیں نہیں تو نتیجہ ایسا ہی رہےگا۔

یاد رہے کہ گزشتہ روز بھی جیسن گلیسپی نے ایک بیان میں پاکستان کے موجودہ عبوری ہیڈ کوچ عاقب جاوید کو تنقید کا نشانہ بناتے ہوئے کہا تھا کہ عاقب جاوید نے ہیڈ کوچ بننے کے لیے میری اور گیری کرسٹن کی ساکھ کو نقصان پہنچایا۔

آئی سی سی چیمپئنز ٹرافی کے گروپ بی کا افغانستان اور آسٹریلیا کے اہم میچ بارش کی وجہ سے ختم کردیا گیا تاہم آسٹریلیا نے سیمی فائنل میں جگہ بنالی۔

افغانستان کے 274 رنز کے ہدف کے تعاقب میں آسٹریلیا نے 12.5 اوورز میں ایک وکٹ کے نقصان پر 109 رنز بنائے تاہم بارش کے باعث میچ روک دیا گیا اور اب میچ فیلڈ گیلی ہونے کے باعث ختم کردیا گیا۔

دونوں ٹیموں کو ایک ایک پوائنٹ مل گئے اور 4 پوائنٹس ہونے پر آسٹریلیا نے سیمی فائنل کیلئے کوالیفائی کرلیا۔

افغانستان کی اننگز

لاہور کے قذافی اسٹیڈیم میں کھیلے گئے میچ افغانستان نے ٹاس جیت کر بیٹنگ کا فیصلہ کیا۔ افغانستان کی جانب سے اننگز کا آغاز مایوس کن رہا اور پہلی وکٹ 3 رنز پر گری۔

اس کے بعد ابراہیم اور صدیق اللہ نے ذمہ دارانہ بیٹنگ کی تاہم ابراہیم زادران 22رنز بنا کر آؤٹ ہوگئے، پھر رحمت شاہ 12 رنز بنا کر پویلین لوٹے۔

صدیق اللہ بھی 85 رنز بناکر کیچ آؤٹ ہوئے۔ عظمت اللہ عمرزئی کی شاندار بیٹنگ کی بدولت افغان ٹیم آخری اوور کی آخری گیند پر 273 رنز بناکر ڈھیر ہوگئی۔

عظمت اللہ عمر زئی67 رنز بناکر نمایاں رہے۔ آسٹریلیا کی جانب سے بین نے 3، جانسن اور زمپا نے 2، 2 کھلاڑیوں کو آؤٹ کیا۔

آسٹریلیا کی اننگز

افغانستان کے 274 رنز کے ہدف کے تعاقب میں آسٹریلیا نے جارحانہ کھیل پیش کیا اور 12.5 اوورز میں ایک وکٹ کے نقصان پر 109 رنز بنائے۔

اس دوران بارش کے باعث میچ روک دیا گیا پھر میچ کو گیلی فیلڈ کے باعث ختم کردیا گیا اور دونوں ٹیموں کو ایک ایک پوائنٹ دیا گیا۔ آسٹریلیا کے 4 پوائنٹس ہوگئے جس کے ساتھ ہی سیمی فائنل کیلئے بھی کوالیفائی کرلیا۔

خیال رہے کہ گروپ بی کا آخری میچ کل جنوبی افریقا اور انگلینڈ کے درمیان کھیلا جائے گا۔

پاکستان کرکٹ ٹیم کے ہیڈ کوچ عاقب جاوید کو قومی ٹیم کی کوچنگ کی جگہ نئی اہم ذمہ داری ملنے کا امکان ہے۔

ذرائع کا بتانا ہے کہ عاقب جاوید کی جگہ قومی ٹیم کا فل ٹائم ہیڈ کوچ مقرر کیے جانے کا امکان ہے، عاقب جاوید کو ندیم خان کی جگہ قومی کرکٹ اکیڈمی میں ڈائریکٹر بنانے کا امکان ہے۔

ذرائع کا کہنا ہے کہ ندیم خان نیشنل کرکٹ اکیڈمی سے مستعفی ہو گئے ہیں اور انہوں نے ملتان سلطانز جوائن کر لی ہے۔
ذرائع کا بتانا ہے کہ عاقب جاوید قومی کرکٹ اکیڈمی میں کام کرنے میں دلچسپی رکھتے ہیں۔

عاقب جاوید کا عبوری ہیڈ کوچ کی حیثیت سے معاہدہ ختم ہو گیا ہے، نومبر میں عاقب کو وائٹ بال اور دسمبر میں ریڈ بال ٹیم کا عبوری ہیڈ کوچ بنایا گیا تھا۔

چیمپیئنز ٹرافی میں پاکستان کے سفر کے اختتام کے ساتھ ہی عاقب جاوید کے عہدے کی معیاد بھی ختم ہو گئی ہے۔

ذرائع کا بتانا ہے کہ عاقب جاوید کو قومی سلیکشن کمیٹی سے بھی فارغ کر دیا جائے گا، دیگر سلیکٹرز کے لیے بھی عہدے بچانا مشکل ہوں گے۔