پاکستان آٹو موٹیو مینوفیکچررز ایسوسی ایشن کے وفد نے وزیرصنعت و پیداوار سے ملاقات کر کے استعمال شدہ گاڑیوں پر ریگولیٹری اور کسٹم ڈیوٹی واپس لینے کا معاملہ اٹھا دیا۔

پاما کے وفد نے وفاقی وزیر کو آٹو سیکٹر میں پیش آنے والی مشکلات سے آگاہ کرتے ہوئے کہا کہ استعمال شدہ کاروں کی درآمد میں اضافے نے آٹو موٹیو انڈسٹری کو متاثر کیا ہے۔

وزیر صنعت وپیداوار رانا تنویر حسین نے گزارشات سنتے ہوئے کہا کہ آٹو سیکٹر کو ترقی اور ہر ممکن سہولت دینے کےلئے پُرعزم ہیں، استعمال شدہ گاڑیوں پر ریگولیٹری اور کسٹم ڈیوٹی کی واپسی کا جائزہ لے رہے ہیں تمام متعلقہ اسٹیک ہولڈر سے ریگولیٹری اور کسٹم ڈیوٹی کا معاملہ اٹھائیں گے۔

راناتنویر نے کہا کہ آٹو سیکٹر کو عرصے سے رعایتی نظام کے ذریعے سہولت فراہم کی جا رہی ہے آٹو سیکٹر کو برآمدات میں اضافہ کرنا چاہیے آٹوسیکٹر کے مسائل کو ترجیحی بنیاد پر حل کرنےکی کوشش کریں گے۔

غزہ میں اسرائیل نے جارحیت روکنے سے صاف انکار کردیا ہے جبکہ حماس کے خلاف مزید کارروائی کرنے کا اعلان کردیا ہے۔

بین الاقوامی خبر رساں ادارے کی رپورٹ کے مطابق اسرائیلی وزیر دفاع نے فلسطینیوں کے خلاف جارحیت روکنے سے انکار کرتے ہوئے کہا کہ امریکا کو بتادیں گے کہ اسرائیل حماس کے خلاف ہر جگہ کارروائی کرے گا۔

اسرائیلی وزیر دفاع کا کہنا تھا کہ حماس کے خلاف اس جگہ بھی کارروائی کریں گے جہاں اب تک نہیں کی، اسرائیلی یرغمالیوں کی واپسی تک غزہ جنگ روکنے کی اخلاقی ذمے داری ہم پر نہیں۔

دوسری جانب امریکا نے سلامتی کونسل میں منظور ہونے والی غزہ جنگ بندی کی قرارداد کو ویٹو نہ کرنے کی وجہ بتا دی۔

امریکی محکمہ خارجہ کے ترجمان میتھیو ملر کا کہنا ہے کہ ویٹو نہ کرنے کی وجہ یہ ہے کہ اس قرارداد میں ایسی چیزیں بھی ہیں جو ہمارے طویل مدتی موقف سے مطابقت رکھتی ہیں۔

انہوں نے کہا کہ جنگ بندی اور یرغمالیوں کی رہائی ہونی چاہیے یہ بھی کیا ہے ہم اسرائیلی حکومت کے موقف کو بھی سمجھتے ہیں۔

میتھیو ملر نے واشنگٹن میں ایک بریفنگ کے دوران صحافیوں کو بتایا کہ یہ ”حیران کن اور بدقسمتی”ہے کہ اسرائیل اور حماس کے درمیان فوری جنگ بندی کا مطالبہ کرنے والے اقوام متحدہ میں امریکہ کے ووٹ سے باز رہنے کے بعد اسرائیلی وفد اس ہفتے طے شدہ مذاکرات میں نہیں آ رہا ہے۔

ملر نے مزید کہا کہ رفح میں زمینی کارروائی جو کہ غزہ کی 2.3 ملین آبادی میں سے نصف کے لیے آخری پناہ گاہ ہے، بہت سے لوگوں کی دوسری جگہوں پر لڑائی کی وجہ سے بے گھر ہونے کے بعد ایک غلطی ہوگی اور اسرائیل کی سلامتی کو کمزور کرے گی۔

سلامتی کونسل نے غزہ میں اسرائیل اور فلسطینی گروپ حماس کے درمیان فوری جنگ بندی اور تمام یرغمالیوں کی فوری اور غیر مشروط رہائی کا مطالبہ کیا ہے جب کہ امریکا نے ووٹنگ میں حصہ نہیں لیا۔

غزہ جنگ بندی کی قرارداد منظور ہونے پر امریکا نے کیا کہا؟

اسرائیلی وزیر اعظم بنجمن نیتن یاہو کے دفتر نے کہا کہ قرارداد کو ویٹو کرنے میں امریکا کی ناکامی اپنے سابقہ موقف سے ”واضح پسپائی”ہے اور اس سے حماس کے خلاف جنگی کوششوں کے ساتھ ساتھ 130 سے زائد مغویوں کی رہائی کی کوششوں کو نقصان پہنچے گا۔

نوابشاہ کے قریب ہزارہ ایکسپریس کو پیش آئے حادثے کے حوالے سے پٹری میں لکڑی کے جوڑ پر بحث اور تنقید زور و شور سے جاری ہے۔

ایسے میں پاکستان ریلوے حکام نے تکنیکی حوالے سے وضاحت کی ہے۔

ریلوے حکام کے مطابق ریل کی پٹری الیکٹریفائیڈ ہوتی ہے جس کی الیکٹریفکیشن کو کنٹرول کرنے کے لیے انسولیشن درکار ہوتی ہے اور الیکٹریکل کے لوگ اس بارے میں بہتر سمجھ سکتے ہیں۔ 

حکام کے مطابق انسولیشن کو کنٹرول کرنے کے لیے ایسی دھات کی کوئی چیز چاہیے ہوتی ہے جس میں سے کرنٹ نہ گزر سکے۔

وزیرِ اعظم شہباز شریف فرانس کے دورے پر روانہ ہو گئے، وفاقی وزراء اور سینئر حکام ان کے ہمراہ ہیں۔

وزیرِ اعظم شہباز شریف فرانس میں موسمیاتی تبدیلی سے متعلق کانفرنس میں شرکت کریں گے۔

کانفرنس میں وزیرِ اعظم شہباز شریف موسمیاتی تبدیلی پر پاکستان کا مؤقف پیش کریں گے۔