265

عبدالعلیم خان کی مشکلات مزید بڑھ گئیں

آمدن سے زائد اثاثے بنانے کے الزام میں گرفتار  تحریک انصاف کے رہنما عبدالعلیم خان کی مشکلات میں مزید اضافہ ہوگیا، اے اینڈ اے ڈویلپرز کیساتھ خرید و فروخت کرنے والے 28 افراد کے بیانات قلمبند کرلیے گئے۔یہ بھی لازمی پڑھیں: وزیر اعظم عمران خان آج لاہور آئیں گے

نیب نے اے اینڈ اے کمپنی کو زمین کی خرید و فروخت کرنے والے افراد کے بیانات قلمبند کرلیے۔ ذرائع کے مطابق عبدالعلیم خان نے 2003 میں 230 کنال سے زائد اراضی خریدی، جس کی فی کنال قیمت ایک لاکھ روپے ظاہر کی۔

 تفتیشی ذرائع کے مطابق عبدالعلیم خان نے مختلف علاقوں میں خریدی گئی اراضی کی قیمت فی کنال ایک لاکھ روپے ظاہر کی جبکہ حقیقی قیمت 6سے 7 لاکھ تھی, جن افراد نے عبدالعلیم خان کو اراضی فروخت کی, ان کو اراضی کی حقیقی قیمت جانچنے کیلئے طلب کیا گیا تھا۔

 نیب ذرائع کا کہنا ہے کہ عبدالعلیم خان نے نیب کو بتایا کہ انہوں نے صرف دو کمپنیاں کاروبار چلانے کیلئے استعمال کیں۔ نیب کو موصول ریکارڈ کے مطابق صرف دو کمپنیوں راجہ گرین فارم اور یونین گرین فارم کے ذریعے 3 اعشاریہ 97 بلین کی ٹرانزیکشن کی گئی۔

اس خبر پر اپنی رائے کا اظہار کریں

اپنا تبصرہ بھیجیں