43

روس کا یوکرین پر حملہ، 40 یوکرائنی فوجی ہلاک ، ائیر بیس اور دفاعی نظام تباہ

یوکرین نے روسی حملے کے پہلے چند گھنٹوں میں 40 یوکرینی فوجیوں کی ہلاکت اور درجنوں کے زخمی ہونے کی تصدیق کی ہے۔

یوکرین میں میڈیا کو پریس بریفننگ کے دوران صدارتی دفتر کے ایک اہلکار اولیکسی آریسچوویچ نے روس کی جانب سے فضائی اور میزائل حملوں کو زیادہ ہلاکتوں کی وجہ قرار دیا۔

روسی وزارت دفاع نے یوکرین کی ایئر بیس اور اس کا فضائی دفاعی نظام تباہ کرنے کا دعویٰ کیا ہے جبکہ دارالحکومت کیف سمیت متعدد شہروں میں دھماکوں اور فائرنگ کی آوازیں سنی گئی ہیں۔
چین نے روس کے وزیر خارجہ سے کہا ہے کہ وہ یوکرین کے معاملے میں ماسکو کی جائز تشویش کو سمجھتا ہے۔

یوکرین کے دارالحکومت کیف میں افراتفری دیکھی گئی ہے۔ شہری بینکوں سے رقوم نکالنے اور کھانے پینے کی اشیا جمع کرنے لیے کافی مشکلات کا شکار ہیں ۔

رپورٹ کے مطابق یوکرین نے اپنی فضائی حدود کو ’شدید خطرے‘ کے پیش نظر مسافر پروازوں کے لیے بند کر دیا ہے جبکہ یورپ کی پروازوں کی نگرانی کرنے والے اداروں نے روس اور بیلا روس کے سرحدی علاقوں کی جانب پروازوں کو وارننگ جاری کی ہے۔

اس خبر پر اپنی رائے کا اظہار کریں

اپنا تبصرہ بھیجیں